«تۇركى ينۆەستيتسيالىق قورىن قۇرۋ تۋرالى كەلىسىمگە قول قويۋ تۋرالى» پرەزيدەنت جارلىعىنىڭ جوباسى مەملەكەت باسشىسىنىڭ قاراۋىنا ەنگىزىلەدى. كەلىسىم قۇجاتى «اشىق» نقا پورتالىندا جاريالاندى.

«تۇركى ينۆەستيتسيالىق قورىن قۇرۋ ءوزارا مۇددەلى سالالارداعى دامۋ جوبالارىن قولداۋدا تسيفرلىق ينفراقۇرىلىم، ونەركاسىپتىك ءوندىرىس، ينفراقۇرىلىم، كولىك، اۋىل شارۋاشىلىعى، اقپاراتتىق-كوممۋنيكاتسيالىق تەحنولوگيالار، جاسىل ەكونوميكا، ءتۋريزمدى قوسا العاندا، وڭىرىشىلىك ساۋدانى دامىتۋعا، شاعىن جانە ورتا بيزنەس جوبالارىن قارجىلاندىرۋعا، كولىكتىك-لوگيستيكالىق تىزبەكتەردى، ساقتاۋ جانە وندىرىستىك قۋاتتاردى كەڭەيتۋگە قولداۋ كورسەتۋگە، فيزيكالىق جانە وندىرىستىك قورلاردى قۇرۋعا جانە جاڭعىرتۋعا ىقپال ەتەدى. باياندالعاننىڭ نەگىزىندە ۇكىمەت «تۇركى ينۆەستيتسيالىق قورىن قۇرۋ تۋرالى» قر پرەزيدەنتى جارلىعىنىڭ جوباسىن قاراۋعا ەنگىزەدى»، - دەپ جازىلعان قۇجاتتا.

ينۆەستيتسيالىق قوردى قۇرۋ ءۇشىن رەسپۋبليكالىق بيۋدجەتتەن 100 ملن دوللار بولىنەدى.

ايتا كەتەيىك، قوردىڭ قۇرىلتايشىلار – قازاقستان، ازەربايجان، قىرعىزستان، تۇركيا جانە وزبەكستان مەملەكەتتەرى. 2021 جىلى 12 قاراشادا ىستامبۇل قالاسىندا اتالعان ەلدەردىڭ باسشىلارى «تۇركى ينۆەستيتسيالىق قورىن» قۇرۋ تۋرالى شەشىمگە كەلگەن بولاتىن.

قۇجات 29 ناۋرىزعا دەيىن كوپشىلىك تالقىلاۋدا بولادى.

Abai.kz