استانا قالالىق ءماسليحاتىنىڭ دەپۋتاتتىعىنا «AMANAT»-تىڭ پارتيالىق ءتىزىمى بويىنشا ۇسىنىلعان سۆەتلانا ايتباەۆا مەن ەرلان داكەنوۆ ە. راحماديەۆ اتىنداعى مەملەكەتتىك اكادەميالىق فيلارمونيا قىزمەتكەرلەرىمەن جۇزدەستى.

كانديداتتار پارتيانىڭ سايلاۋالدى باعدارلاماسىن تانىستىردى.

ءانشى، قازاقستاننىڭ ەڭبەك سىڭىرگەن قايراتكەرى سۆەتلانا ايتباەۆا 2007 جىلدان بەرى پارتيا قۇرامىندا ەكەنىن ايتا كەلە، «AMANAT» پارتياسىنىڭ سايلاۋالدى باعدارلاماسىندا بيىل 300-دەن اسا مادەنيەت نىسانانىن سالۋ جوسپارلانعانىن جەتكىزدى. سونداي-اق مادەني نىسانداردى جاڭعىرتۋ مەن سالا ماماندارىنىڭ جالاقىسىن ارتتىرۋ، باسپانامەن قامتۋ ماسەلەسىن كوتەردى.

«AMANAT» پارتياسى حالىقتىڭ سەنىمىنە سۇيەنە وتىرىپ، بارلىعىن ادىلەتتى قازاقستاندى قۇرۋ يدەياسى شەڭبەرىنە بىرىگۋگە شاقىرادى. بۇل – سايلاۋشىلار اماناتىن ورىندايتىن، حالىق ءۇنىن ەستيتىن پارتيا. مەن پارتياعا سەنەمىن. سىزدەر دە سەنىڭىزدەر! بارلىعىڭىزدى سايلاۋدا كۇتەمىن»، – دەدى س.ايتباەۆا.

مەملەكەتتىك اكادەميالىق فيلارمونيا ديرەكتورى ەرلان داكەنوۆتىڭ ايتۋىنشا، «AMANAT» پارتياسى كاسىپكەرلىك باستامالارىن قولداۋ شەڭبەرىندە ءاربىر 10 مىڭ حالىققا كەمىندە 100 جاڭا جۇمىس ورنىن اشۋدى ماقسات كوزدەيدى.

«وڭدەۋ ونەركاسىبىنىڭ ۇلەسىن 10%-عا ارتتىرۋ، مەملەكەتتىك جانە جەرگىلىكتى باعدارلامالاردا كوزدەلگەن مەملەكەتتىك قولداۋ شارالارى ەسەبىنەن 300-گە جۋىق كاسىپكەرلىك سۋبەكتىلەرىنە، ونىڭ ىشىندە جاڭا باستاۋشى كاسىپكەرلەرگە جىل سايىن قولداۋ كورسەتۋ، 3000 ازاماتتى كاسىپكەرلىك نەگىزدەرىنە وقىتۋ جوسپاردا تۇر. باستى ماقسات – استانانى باسەكەگە قابىلەتتى قالاعا اينالدىرۋ، ەكونوميكانىڭ نەگىزگى سالالارىنىڭ بازاسىندا جۇمىس ورىندارىن قۇرۋ»، – دەدى ەرلان داكەنوۆ.

استانا قالاسى ءماسليحاتىنىڭ دەپۋتاتتارىن سايلاۋدا پارتيالىق ءتىزىمدى ۇسىنعان «AMANAT» پارتياسىنىڭ سايلاۋ قورىنىڭ قاراجاتىنان تولەندى.

Abai.kz