بەيسەنبى, 30 مامىر 2024
بيلىك 1679 4 پىكىر 26 قاڭتار, 2023 ساعات 11:25

اشىمباەۆ سەناتتى قايتا تىزگىندەدى

قر پارلامەنتى سەناتىنىڭ توراعاسى لاۋازىمىنا ماۋلەن اشىمباەۆتىڭ كانديداتۋراسى ماقۇلداندى.

جاسىرىن داۋىس بەرۋ كەزىندە بارلىق سەناتورلار ماۋلەن اشىمباەۆتىڭ كانديداتۋراسىن ءبىراۋىزدان قولدادى.

بۇعان دەيىن پرەزيدەنت قاسىم-جومارت توقاەۆ سەنات توراعاسى لاۋازىمىنا ماۋلەن اشىمباەۆتىڭ كانديداتۋراسىن ۇسىنعان بولاتىن.

ماۋلەن ساعاتحانۇلى اشىمباەۆ 1971 جىلعى 28 قاڭتاردا الماتىدا تۋعان.

ءال-فارابي اتىنداعى قازاق ۇلتتىق ۋنيۆەرسيتەتىن جانە تافتس ۋنيۆەرسيتەتىنىڭ فلەتچەر اتىنداعى قۇقىق جانە ديپلوماتيا مەكتەبىن (اقش) بىتىرگەن. ەكونوميست - پوليتەكونوميا مۇعالىمى، حالىقارالىق قاتىناستار ماگيسترى. ساياسي عىلىمدار كانديداتى.

1993-1994 جىلدارى ءباسپاسوز جانە بۇقارالىق اقپارات مينيسترلىگىنىڭ جۇيەسىندە جۇمىس ىستەگەن. 1994 جىلعى مامىر – 1995 جىلعى ناۋرىز ارالىعىندا – قازاقستان رەسپۋبليكاسى جوعارعى كەڭەسى دەپۋتاتىنىڭ كومەكشىسى.

1995 جىلعى ماۋسىم – قاراشا ارالىعىندا – قاۋىپسىزدىك كەڭەسى اپپاراتىنىڭ كونسۋلتانتى. 1995 جىلعى قاراشا – 1999 جىلعى ءساۋىر ارالىعىندا - قازاقستان رەسپۋبليكاسى پرەزيدەنتى اكىمشىلىگى ساراپتاۋ جانە ستراتەگيالىق زەرتتەۋلەر ورتالىعىنىڭ باس ساراپشىسى، سەكتور مەڭگەرۋشىسى، باسشىسىنىڭ ءبىرىنشى ورىنباسارى.

1999 جىلعى ءساۋىر – 2000 جىلعى مامىر ارالىعىندا – قاۋىپسىزدىك كەڭەسى ساراپتاۋ ورتالىعىنىڭ مەڭگەرۋشىسى. 2000 جىلعى مامىر – 2002 جىلعى اقپان ارالىعىندا – قاۋىپسىزدىك كەڭەسى ساراپتاۋ ورتالىعىنىڭ مەڭگەرۋشىسى – قازاقستان رەسپۋبليكاسى پرەزيدەنتى جانىنداعى ستراتەگيالىق زەرتتەۋلەر ينستيتۋتىنىڭ ديرەكتورى.

2002 جىلعى اقپان – 2005 جىلعى مامىر ارالىعىندا – قازاقستان رەسپۋبليكاسىنىڭ پرەزيدەنتى جانىنداعى ستراتەگيالىق زەرتتەۋلەر ينستيتۋتىنىڭ ديرەكتورى. 2005 جىلعى مامىر – 2006 جىلعى ءساۋىر ارالىعىندا – قازاقستان رەسپۋبليكاسى قاۋىپسىزدىك كەڭەسى حاتشىسىنىڭ ورىنباسارى.

2006 جىلعى ءساۋىر – 2011 جىلعى قازان ارالىعىندا – قازاقستان رەسپۋبليكاسى پرەزيدەنتى اكىمشىلىگى باسشىسىنىڭ ورىنباسارى. 2012 جىلعى قاڭتار – 2018 جىلعى اقپان ارالىعىندا –بەسىنشى، التىنشى شاقىرىلىمداعى قازاقستان رەسپۋبليكاسى پارلامەنتى ءماجىلىسىنىڭ دەپۋتاتى، حالىقارالىق ىستەر، قورعانىس جانە قاۋىپسىزدىك كوميتەتىنىڭ توراعاسى.

2018 جىلعى اقپان – 2019 جىلعى ماۋسىم ارالىعىندا – «Nur Otan» پارتياسى توراعاسىنىڭ ءبىرىنشى ورىنباسارى. 2019 جىلعى شىلدە – جەلتوقسان ايلارىندا – قازاقستان رەسپۋبليكاسى پرەزيدەنتىنىڭ كومەكشىسى. 2019 جىلعى جەلتوقسان - 2020 جىلعى مامىر ارالىعىندا – قازاقستان رەسپۋبليكاسى پرەزيدەنتى اكىمشىلىگى باسشىسىنىڭ ءبىرىنشى ورىنباسارى.

2020 جىلدىڭ مامىرىندا قازاقستان رەسپۋبليكاسى پرەزيدەنتىنىڭ جارلىعىمەن قازاقستان رەسپۋبليكاسى پارلامەنتى سەناتىنىڭ دەپۋتاتى بولىپ تاعايىندالدى، التىنشى شاقىرىلىمداعى قازاقستان رەسپۋبليكاسى پارلامەنتى سەناتىنىڭ توراعاسى بولىپ سايلاندى.

2023 جىلى قاڭتاردا پرەزيدەنت جارلىعىمەن سەنات دەپۋتاتى بولىپ قايتا تاعايىندالدى.

«پاراسات»، «قۇرمەت» وردەندەرىمەن، قازاقستان رەسپۋبليكاسىنىڭ قۇرمەت گراموتاسىمەن جانە مەرەكەلىك مەدالدارمەن ماراپاتتالعان.

Abai.kz

4 پىكىر

ۇزدىك ماتەريالدار

قۇيىلسىن كوشىڭ

باس گازەت ورالماندارعا نەگە شۇيلىكتى؟

ءالىمجان ءاشىمۇلى 2418
ادەبيەت

«سولاي ەمەس پە؟»

عابباس قابىشۇلى 2739
قوعام

دوس كوپ پە، دۇشپان كوپ پە؟

ءابدىراشيت باكىرۇلى 3179
ەل ءىشى...

ۇلتتىق بىرەگەيلەنۋ: قانداستاردىڭ ءرولى قانداي؟

ءومارالى ادىلبەكۇلى 1812