جىلدا تىركەلەتىن جەر سىلكىنىسى قىتايدان الماتىعا جاقىن كەلە باستادى. 28 جەلتوقساندا ۇلتتىق مالىمەتتەر ورتالىعىنىڭ جەدەل اقپاراتى بويىنشا الماتىدان وڭتۇستىك-شىعىسقا قاراي 262 شاقىرىم جەردە، قىرعىزستان مەن قىتايدىڭ شەكارالاس ايماعىندا جەر سىلكىنىسى بولدى, - دەپ جازادى dalainside ارناسى.

ەپيتسەنتر كوورديناتتارى: سولتۇستىك ەندىك 41,93 گرادۋس، شىعىس بويلىق 79,53 گرادۋس. ماگنيتۋداسى mb=6. ەنەرگەتيكالىق كلاسس K=12,9. تەرەڭدىگى h=6 كم. جەر سىلكىنىسى الماتىدا 3-4 باللدىق كۇشپەن سەزىلدى.

K=12,9 ەنەرگەتيكالىق كلاسس - الماتى ءۇشىن سيگنال بولۋى ءتيىس. 2022 جىلى جاڭارتىلعان الماتى اگلومەراتسياسىنىڭ سەيسميكالىق كارتاسىنا سايكەس الماتى قالاسى 9-10 بالدىق بەلدەۋدە ورنالاسقان. قالادا بارلىعى 27 تەكتونيكالىق جارىقتار بار. ۇلكەن ەنەرگەتيكالىق كلاسس الماتىنىڭ تۇبىنەن ۇرسا، تەكتونيكالىق سىزاتتار شوگىپ، قالا جەردىڭ استىنا كەتىپ قالادى.

ىلە تەكتونيكالىق جارىعى - الماتى ءۇشىن ەڭ قاۋىپتىسى. ول دياگونالدى جارىق. ءال-فارابي داڭعىلىنان باستالىپ، جەلتوقسان كوشەسىن بويلاپ تومەن كەتەدى.

سايران كولىگىنىڭ تۇبىندە سولتۇستىك جەراستى سىزاتى جاتىر. ول اۋەزوۆ اۋدانىنا ۇلكەن قاۋىپ توندىرەدى.

9 بالدىق ءزىلزالا بولاتىن بولسا، الماتىدا 300 مىڭنان استام تۇرعىن ولەدى دەگەن جابىق بولجام بار. بىراق ءزىلزالادان كەيىنگى اپاتتار: ءورت، سۋ تاسقىنى مەن تەحنوگەندى اۆاريالار تاعى دا 200 مىڭ ادامنىڭ ءومىرىن قيا الادى.

Abai.kz