قىتاي ۇلتتىق دەنساۋلىق ساقتاۋ كوميسسياسى (NCH) 8 قاڭتاردان باستاپ COVID-19 ۆيرۋسىنا قارسى باقىلاۋدى جەڭىلدەتەتىنىن، كارانتين تالاپتارىن جۇمسارتاتىنىن حابارلادى، دەپ جازدى ادىرنا. 

قىتاي اۋماعىنا كەلگەندەر بۇدان بىلاي كارانتينگە جاتقىزىلمايتىن بولدى. قىتاي بيلىگى كوروناۆيرۋس كەڭ تاراپ، ىندەت ءورشىپ تۇرعان ايماقتاردى دا وقشاۋلامايدى. مۇنى Global Times جازدى.

"بۇل شەشىم قىتايدىڭ COVID-19-عا قارسى كۇرەسى جاڭا كەزەڭگە ەنگەن كەزدە قابىلداندى، ويتكەنى ۆيرۋستىڭ ۆيرۋلەنتتىگى ازايدى، حالىقتىڭ كوبى ۆاكتسينا الدى", - دەدى قىتاي ماماندارى.

دەگەنمەن، قىتاي بيلىگى ىندەتتىڭ تارالۋى مەن شەتەلدە ءورشۋىن نە ازايۋىن ۇدايى باقىلاۋدا ۇستاماق. حالىققا ارنالعان ساقتاندىرۋ ءىس-شارالارى جالعاسىن تابادى.

بۇل شەشىم قىتايدىڭ COVID-19-عا قارسى كۇرەسى جاڭا كەزەڭگە ەنگەن كەزدە قابىلداندى، ويتكەنى ۆيرۋستىڭ ۆيرۋلەنتتىگى ازايدى، حالىقتىڭ كوبى ۆاكتسينا الدى.

2020 جىلدىڭ 20 قاڭتارىندا قىتاي بيلىگى دارىگەرلەر ۆيرۋستىڭ ادامدار اراسىندا تارالۋ قابىلەتىن انىقتاعاننان كەيىن COVID-19-نى ۆ كلاستى جۇقپالى اۋرۋعا جاتقىزدى. بۇل - ايتۆ، ۆيرۋستىق گەپاتيت جانە H7N9 قۇس تۇماۋىن قامتيتىن كلاسس. الايدا سول كەزدە قحر باسشىلىعى COVID-19-دى بۋبوندى وبا جانە تىرىسقاقپەن قاتار قويا وتىرىپ، ا ساناتىنداعى اۋرۋ رەتىندە قاراستىرۋ كەرەك دەپ مالىمدەدى.

Abai.kz