ياندەكس.تاكسي كومپانياسىنىڭ قىزمەتىنە قاتىستى ءبىر ايىپتاۋ ءىسى توقتاتىلىپ، ەكىنشىسى سوتتا قارالىپ جاتىر. بۇل تۋرالى قر باسەكەلەستىكتى قورعاۋ جانە دامىتۋ اگەنتتىگى توراعاسىنىڭ ورىنباسارى بولات سامبەتوۆ ءمالىم ەتتى.

«بۇگىندە ياندەكس.تاكسي قىزمەتىنە قاتىستى تەرگەۋ ءجۇرىپ جاتىر. ەكى تەرگەۋ ءىسى باستالعان ەدى، ونىڭ بىرەۋى توقتاتىلدى. سونىمەن قاتار، تەرگەۋ اياسىندا سوت پروتسەسى قاتار ءجۇرىپ جاتىر. ءبىرىنشى تەرگەۋ شاراسى كومپانيانىڭ قىزمەتىن اسىرا پايدالانۋىنا بايلانىستى، ياعني كليەنتتەرگە قىزمەتتى ءجون-جوسىقسىز ۇسىنۋ. ەكىنشى تەرگەۋ امالى باعانى قولدان كوتەرۋ فاكتىسى بويىنشا ءجۇرىپ جاتىر. العاشقى فاكت بويىنشا تەرگەۋ شاراسى توقتاتىلدى. ال، باعانى كوتەرۋ بويىنشا سوت پروتسەسى جالعاسىپ جاتىر»، - دەدى بولات سامبەتوۆ ورتالىق كوممۋنيكاتسيالار قىزمەتى الاڭىندا وتكەن ءباسپاسوز ءماسليحاتىندا.

ەسكە سالساق، بيىل قىركۇيەكتە باسەكەلەستىكتى قورعاۋ جانە دامىتۋ اگەنتتىگىنىڭ الماتى قالاسى بويىنشا دەپارتامەنتى ياندەكس.تاكسي-ءدىڭ باعانى قىمباتتاتۋىنا بايلانىستى تەرگەۋ ءجۇرىپ جاتقانى تۋرالى حابارلاعان ەدى.

سونداي-اق، دەپارتامەنتتەن ياندەكس.تاكسيدىڭ باعانى وسىرۋىنە قاتىستى بىرنەشە ءوتىنىش كەلىپ تۇسكەنى ايتىلدى.

Abai.kz