پرەزيدەنتتىك سايلاۋدان كەيىن وبلىس جانە قالا اكىمدەرىن تاعايىنداۋ جۇرۋدە. بىرقاتار ايماق باسشىلارى ورنىنان كەتتى. 

2015 جىلدان بەرى قوستاناي وبلىسىن باسقارىپ كەلگەن ارحيمەد مۇحانبەتوۆ جىلى ورنىن بوساتتى. ۇزاق جىلدار بويى "سۋعا سالسا باتپايتىن، وتقا سالسا جانبايتىن ارحيمەد" اتانعان اكىم اقىرى قىزمەتىنەن كەتتى. انىعى كەتىردى. قوستاناي وبلىسىنداعى الاپات ورتتەن كەيىن ونىڭ ءوز ورنىندا قالۋى ەكىتالاي بولاتىن. سايلاۋ ءوتتى، اكىم كەتتى.

قاقاعان ايازدا ەكىباستۇز حالقى جىلۋسىز قالىپ، بۇرسەڭدەپ وتىر. پاۆلودار وبلىسىنىڭ اكىمى بولىپ 2022 جىلى ابىلقايىر ىسقاقوۆ تاعايىندالعان بولاتىن. ەكىباستۇزداعى جاعدايدان كەيىن ول دا ءوز ورنىن ساقتاپ قالمادى. پاۆلودار وبلىسىنىڭ اكىمى بولىپ بايحانوۆ اسايىن تاعايىندالدى.

ەندىگى كەزەك شىعىس قازاقستان وبلىسىنىڭ اكىمى دانيەل احمەتوۆتە. 2022 جىلعا دەيىن شقو ۇلكەن وبلىس بولدى، ال كوكتەمدە وبلىس ەكىگە ءبولىنىپ، اباي وبلىسى پايدا بولعان ساتتە، شقو تىزگىنىن جاڭا اكىم ۇستاۋى مۇمكىن دەگەن اقپارات شىقتى. الايدا ول اقپارات راستالمادى. ەندى مىنە، بۇگىن وبلىس اكىمدەرىن تاعايىناۋدىڭ كەزەكتى لەگى. شقو اكىمى دانيال احمەتوۆ ءوز ورنىندا قالا ما، كەتە مە دەگەن سۇراق شىعىس حالقى ءۇشىن ماڭىزدى.

ونىڭ جۇمىسىن سىنايتىنداردىڭ دا، قۇپتايتىنداردىڭ دا سانى جەتەرلىك. قىس بولسا جىلۋ قازاندىقتارىمەن ماسەلە تۋىنداپ، ويقىش-ويقىش جولدارى جىلدار بويى جۇيكە توزدىرعان شىعىس قازاقستانعا جاڭا قازاقستاندا جاڭا اكىم بۇيىرمادى.

2014 جىلدان بەرى شقو اكىمى بولعان احمەتوۆ ءوز ورنىندا قالدى. بۇنى ساراپشىلار كادر جەتىسپەۋشىلگى نەمەسە پرەزيدەنتتىڭ احمەتوۆكە دەگەن سەنىمى ارقىلى ءتۇسىندىرۋى ىقتيمال.

Abai.kz