بيىلعى قاڭتار-قازان ارالىعىندا سۋسىن ءوندىرىسىنىڭ كولەمى اقشالاي كولەمدە 623 661,5 ملن تەڭگەنى قۇرادى. وتكەن جىلدىڭ سايكەس كەزەڭىمەن سالىستىرعاندا ءوندىرىس كولەمى 8,9% ارتقان.

ۇلتتىق ستاتبيۋرو مالىمەتىنشە، 10 ايدىڭ ىشىندە الكوگولسىز 2 019 743,7 مىڭ ليتر سۋسىن ءوندىرىلىپ، وتكەن جىلدىڭ سايكەس كەزەڭىمەن سالىستىرعاندا 8,8 پايىزعا ارتقان.

مينەرالدى جانە گازدالعان (قانتسىز، حوش يىستەندىرىلمەگەن) 555 096,3 مىڭ ليتر سۋ ءوندىرىلدى، بۇل وتكەن جىلدىڭ 10 ايىمەن سالىستىرعاندا 2 پايىزعا تومەن.

الكوگول زاۋىتتارى 10 ايدا 49 513,1 مىڭ ليتر اراق ءوندىردى، بۇل وتكەن جىلدىڭ سايكەس كەزەڭىمەن سالىستىرعاندا 95,5 پايىزعا ارتىق.

تابيعي ءجۇزىم شارابىنىڭ ءوندىرىسى دە 38,3% ءوستى – 24 340,4 مىڭ ليتر.

بۇل رەتتە سىرا ءوندىرىسى تومەندەدى – 10 ايدا 604 127,9 مىڭ ليتر، بۇل وتكەن جىلمەن سالىستىرعاندا 1,8%-عا از.

قازاقستاندا سۋسىن وندىرىسىمەن 47 كاسىپورىن اينالىسادى.

Abai.kz