قىتايدىڭ بۇرىنعى توراعاسى تسزيان تسزەمين قايتىس بولدى.

تسزيان تسزەمين 1993 -2003 جىلدارى قىتاي حالىق رەسپۋبليكاسىنىڭ توراعاسى قىزمەتىن اتقاردى. 1989 – 2002 جىلدارى قىتاي كوممۋنيستىك پارتياسى ورتالىق كوميتەتىنىڭ باس حاتشىسى بولىپ قىزمەت ەتتى. ودان باسقا 1990 – 2005 جىلدارى قحر-دىڭ ورتالىق اسكەري كەڭەسىنىڭ توراعاسى قىزمەتىن قوسا اتقاردى. كوممۋنيستىك پارتياعا 1946 جىلدان بەرى مۇشە بولعان. 1982 جىلى پارتيانىڭ ورتالىق كوميتەتىنە مۇشە بولىپ سايلانعان. 1987 جىلدان 2002 جىلعا دەيىن پارتيانىڭ ساياسي بيۋرونىڭ مۇشەسى بولدى.

ول 1926 جىلى 17 تامىزدا يانچجوۋ قالاسىندا تسزيانسۋ پروۆينتسياسىندا تۋعان.

تسزيان تسزەمين دەن ءسياوپيننىڭ رەفورمالارىن جالعاستىرىپ قانا قويماي، جاڭا رەفورمالار جۇرگىزدى. ول توراعا بولعان سوڭ قىتايدىڭ الەمدىك نارىقتاعى ورىن ءۇشىن كۇرەس جۇرگىزە باستادى. ونىڭ رەفورمالارىنىڭ ارقاسىندا قىتاي ەكونوميكا سالاسىندا الەمدە جەتىنشى ورىنعا يە بولىپ، دۇنيەجۇزىلىك ساۋدا ۇيىمىنا مۇشە بولدى. ەلدىڭ اسكەري جانە ەكونوميكالىق الەۋەتى ارتتى. قحر ازيا-تىنىق مۇحيت ايماعىندا كوشباسشى بولۋعا دەگەن ۇمتىلىسىن جاريالادى. شانحايدا اسەان ءسامميتى ءوتتى. 2008 جىلعى وليمپيا ويىندارىنا ءوتىنىش بەرىلدى.

تسزيان تسزەمين ورىس ءتىلىن جاقسى ءبىلدى. ول ورىسشا كوپتەگەن ماقال-ماتەلدەردى ايتاتىن. ورىس تىلىندە جازىلعان ەسكى تانىمال اندەر جازدى. تسزيان تسزەمين 1948 جىلى ۆان ەلينگە ۇيلەندى. ودان تسزيان ميانحەن مەن تسزيان ميانكان دەگەن بالالارى بار.

Abai.kz