ەكس-مينيستر بەكتانوۆتىڭ ءىسى سوتتا قارالىپ جاتىر
«قازىرگى ۋاقىتتا بۇرىنعى قورعانىس ءمينيسترى بەكتانوۆتى ايىپتاۋ تۋرالى قىلمىستىق ءىس سوتتا قارالۋدا»، - دەدى باس پروكۋراتۋرانىڭ قىلمىستىق قۋدالاۋ قىزمەتى باستىعىنىڭ ورىنباسارى ەلدوس قيلىمجانوۆ ورتالىق كوممۋنيكاتسيالار الاڭىندا وتكەن ءباسپاسوز ءماسليحاتىندا.
ەسكە سالا كەتەيىك، 2022 جىلعى 19 اقپاندا قر باس پروكۋراتۋراسى بۇرىنعى قورعانىس ءمينيسترى مۇرات كارىبايۇلى بەكتانوۆقا قاتىستى قازاقستان رەسپۋبليكاسى قىلمىستىق كودەكسىنىڭ 452-بابى ارەكەتسىزدىك فاكتىسى بويىنشا سوتقا دەيىنگى تەرگەپ-تەكسەرۋدى باستاعان بولاتىن.
بەكتانوۆ 20 اقپاندا ۇستالىپ، ۋاقىتشا ۇستاۋ يزولياتورىنا قامالدى.
Abai.kz
