وسك جانىنداعى مۇگەدەكتىگى بار ادامداردىڭ سايلاۋ قۇقىقتارىن قامتاماسىز ەتۋ جونىندەگى جۇمىس توبىنىڭ وتىرىسى بولىپ ءوتتى.

وتىرىس بارىسىندا مۇگەدەكتىگى بار ادامداردىڭ داۋىس بەرۋ قۇقىعىن قامتاماسىز ەتۋ، سايلاۋ ورتالىعىندا مالىمەتتەردىڭ بولۋىن قامتاماسىز ەتۋ تۋرالى ماسەلەلەر قوزعالدى.

ورتالىق سايلاۋ كوميسسياسىنىڭ مۇشەلەرىمەن 29 ساۋىرگە دەيىن قازاقستاننىڭ بارلىق وڭىرىندە 70-گە جۋىق كەزدەسۋ وتكىزدىك. كەزدەسۋ بارىسىندا مۇگەدەكتىگى بار ادامداردىڭ قۇقىعى تۋرالى ماسەلەلەر ءسوز بولدى. 2017 جىلدان باستاپ ورتالىق سايلاۋ كوميتەتى جانىنان مۇگەدەكتەردىڭ سايلاۋ قۇقىقتارىن قامتاماسىز ەتۋ جونىندەگى جۇمىس توبىن قۇردى. 2022 جىلى 9 قىركۇيەكتە جاڭا جۇمىس توبى قۇرىلدى، – دەدى ورتالىق سايلاۋ كوميسسياسىنىڭ توراعاسى.

ستاتيستيكالىق مالىمەتتەرگە سۇيەنسەك، ءبىزدىڭ جۇمىس توبى 11 وڭىردەن جيىلعان ادامداردان تۇرادى جانە ولار مۇگەدەكتىگى بار ادامدارمەن جۇمىس جاساپ وتىرعان ادامدار دەدى.

سايلاۋ ۋچاسكەسىندە مۇگەدەكتەرگە جاعداي جاساۋ وسك قىزمەتكەرلەرى مەن تىكەلەي مەنىڭ قاداعالاۋىمدا بولادى، – دەدى نۇرلان ءابدىروۆ.

سايلاۋ بارىسىندا مۇگەدەكتىگى بار سايلاۋشىلاردىڭ جاعدايى تولىق قاراستىرىلۋ كەرەك. سايلاۋ ۋچاسكەلەرىندە قۇلاقاسپاپتار، برايل قارپىندە ورىندالعان سايلاۋ تۋرالى اقپاراتى بار ارنايى پاپكا، قوسىمشا جارىقتاندىرۋ، ۇلعايتقىشتار، سۋردواۋدارمامەن قامتاماسىز ەتىلۋى كەرەك. جانە باسقا دا شارتتار تۋرالى بارلىق وڭىرلەرگە ءتيىستى تاپسىرمالار دا بەرىلدى، – دەدى جۇمىس توبىنىڭ مۇشەسى اناستاسيا گەننادەۆنا.

سايلاۋ ۋچاسكەلەرىن پاندۋسپەن جابدىقتاۋ، ساڭىراۋلارعا ارنالعان قاجەتتى قۇرىلعىلار، اربالىلارعا ءليفتى بار مەكەمەلەردى قاراستىرۋ سىندى ماسەلەلەر ەسكەرىلۋى كەرەك.ساڭىراۋ سايلاۋشىلاردىڭ ەداۋىر بولىگى داۋىس بەرۋگە قاتىسادى دەپ بولجاناتىن سايلاۋ ۋچاسكەلەرىندە جەرگىلىكتى اتقارۋشى ورگانداردىڭ، قوعامدىق بىرلەستىكتەردىڭ كومەگىمەن سۋردواۋدارماشىلار، تيفلوسۋردو-اۋدارماشىلار تارتىلۋى قاجەت، – دەدى نۇرلان ءابدىروۆ.

اتالمىش ماسەلەلەر وسك جانە «قازاقستان مۇگەدەكتەر كونفەدەراتسياسى» رەسپۋبليكالىق قوعامدىق بىرلەستىگى، «قازاق ساڭىراۋلار قوعامى» رەسپۋبليكالىق قوعامدىق بىرلەستىگى، «قازاق سوقىرلار قوعامى» قوعامدىق بىرلەستىگى، «شىراق» مۇگەدەك ايەلدەر قاۋىمداستىعى» قوعامدىق بىرلەستىگى كومەگىمەن جۇزەگە اسىرىلاتىن بولادى.

Abai.kz