سارسەنبى, 30 قاراشا 2022
بيلىك 1215 0 پىكىر 1 قازان, 2022 ساعات 13:41

قارتتار كۇنى: الماتى تەلەارناسى قايىرىمدىلىق اكتسياسىن وتكىزدى

قارتتار كۇنى قارساڭىندا «الماتى» تەلەارناسى «جىلۋلىق سىيلا» اتتى قايىرىمدىلىق اكتسياسىن وتكىزدى.

قىزمەتكەرلەر قالاداعى قاريالاردىڭ ۇيىنە ارنايى بارىپ، سىيلىقتاردى تابىس ەتتى. «سىيلىقتار ءۇشىن كوپ راحمەت. كۇتپەگەن جەردەن سىيلىق الۋ جاعىمدى اسەر قالدىرادى ەكەن. مەنىڭ ويىمشا، ادام ارقاشان جاقسى كوڭىل كۇيدە ءجۇرۋى كەرەك»، — دەپ ءبولىستى مەگاپوليس تۇرعىنى كلارا.

«كوپ راحمەت. مەن سىزدەردىڭ ارناڭىزدى، سەريالدارىڭىزدى كورەمىن. ءبىز، زەينەتكەرلەر، سەريال قاراعاندى ۇناتامىز. مەن 81 جاستامىن. اكەم سوعىستا قايتىس بولعان. مەن ونى كورمەدىم. سوندىقتان الەمدە تەك بەيبىتشىلىك بولعانىن، سوعىس بولماۋىن تىلەيمىن»، — دەدى الماتىلىق گالينا نيكولايقىزى ناگاەۆا.

قاتىسۋشىلار مەن ۇيىمداستىرۋشىلار اتاپ وتكەندەي، اكتسيانىڭ ماقساتى — ارداگەرلەرگە مەرەكە قارساڭىندا كوتەرىڭكى كوڭىل-كۇي سىيلاۋ.

«مەنىڭ كوڭىل-كۇيىم جاقسى. مەن الماتىدا دۇنيەگە كەلدىم. وسىندا تۇرىپ جاتقانىما 73 جىل بولدى. قازىر زەينەتكە شىقتىم. مەنىڭ ويىمشا، قازاقستاندىقتار — ەڭ مەيىرىمدى حالىق. مەن وسىندا تۇراتىنىما قۋانىشتىمىن. باسقالاردىڭ دا ەلىمىزدى جاقسى كورگەنىن قالايمىن. سىيلىقتارىڭىز ءۇشىن ارناڭىزعا راحمەت»، — دەدى مەگاپوليس تۇرعىنى ۆالەنتينا گريگوريقىزى چەرنىح.

«قارتتار كۇنى قارساڭىندا قايىرىمدىلىق اكتسياسى جۇرتشىلىقتىڭ نازارىن قاريالاردىڭ وزەكتى ماسەلەلەرىنە اۋدارۋ ماقساتىندا وتكىزىلدى. بۇل مەرەكە — قوعامنىڭ اعا بۋىنعا دەگەن قۇرمەتى، ريزاشىلىعى مەن سۇيىسپەنشىلىگى. ەگدە جاستاعى ادامدارعا وزدەرىنىڭ كەرەك ەكەنىن سەزىندىرۋ، ولارعا كوڭىل ءبولۋ، قامقور بولۋ وتە ماڭىزدى»، — دەپ اتاپ ءوتتى تەلەارنانىڭ باس پروديۋسەرى راليدا مۇقانوۆا.

حالىقارالىق قارتتار كۇنى جىل سايىن 1 قازاندا اتاپ وتىلەدى. بۇل مەرەكە الەمدە العاش رەت 1991 جىلى اتاپ ءوتىلدى. ول بۇۇ باس اسسامبلەياسىنىڭ 45-سەسسياسىندا حالىقارالىق قارتتار كۇنى دەپ بەكىتىلدى. وسىدان كەيىن حالىقارالىق قارتتار كۇنى دەگەن اتاۋ قابىلداندى.

ايتا كەتۋ كەرەك، قايىرىمدىلىق اكتسياسىنا سەرىكتەستەرىمىز «UNILACTIS DISTRIBUTION» جشس JLC ونىمدەرىمەن قولداۋ كورسەتتى.

 

Abai.kz

0 پىكىر

ۇزدىك ماتەريالدار

انە، كوردىڭ بە؟

ورىس ءپاتريوتيزمى جانە ياحتا

ەسبول ۇسەنۇلى 1532
قازاقتىڭ ءتىلى

قازاقتىڭ ءتىلى ولمەسىن دەسەك...

كامشات تاسبولاتوۆا 1624
سوعىستا جۇرگەن سۇلۋلار

مايدانداعى ۋكراينا ارۋلارى: مارگاريتا ريۆچاچەنكو

ايجان تەمىرحان 1785