الماتى جىل سايىن حالىق سانى قارقىندى ارتىپ كەلە جاتقان قالانىڭ ءبىرى سانالادى. قازاقستان بويىنشا حالىق سانى ەڭ كوپ سانالاتىن قالاداعى حالىقتىڭ باسىم بولىگى جاس وتباسىلار. بۇل قالاداعى ءبىلىم بەرۋ وشاقتارىنىڭ سانىن ارتتىرۋ ماسەلەسىنىڭ وتكىر تۇرعانىنىڭ دالەلى. قالادا ءبىلىم بەرۋ وشاقتارىن جوندەۋ، سالۋ جۇمىستارى ءبىر ءسات توقتاعان ەمەس.

الماتى قالاسى ءبىلىم باسقارماسىنىڭ باسشىسى ءلاززات جىلقىباەۆا وڭىرلىك كوممۋنيكاتسيالار قىزمەتىنىڭ الاڭىندا جاڭا 2022-2023 وقۋ جىلىنا دايىندىق پەن بالاباقشالاردىڭ جۇمىسى تۋرالى ايتىپ بەردى.

ءلاززات جىلقىباەۆانىڭ ايتۋىنشا، بۇگىندە الماتى اۋماعىندا 866 بالاباقشا جۇمىس ىستەيدى، ونىڭ 193-ءى مەملەكەتتىك بالاباقشا.

«ءبىز بالاباقشالارعا كەزەكتى تومەندەتۋ بويىنشا شارالار كەشەنىن قابىلداپ جاتىرمىز. مىسالى، ءبىرىنشى جارتىجىلدىقتا الماتىدا 3316 ورىندى 54 جاڭا جەكەمەنشىك بالاباقشا اشىلدى. جىل سوڭىنا دەيىن تاعى 2 مىڭنان استام ورىندىق 15 جەكەمەنشىك مەكتەپكە دەيىنگى ۇيىم اشۋ جانە 280 ورىندى مەملەكەتتىك بالاباقشانى ىسكە قوسۋ جوسپارلانعان»، - دەدى ل. جىلقىباەۆا.

سونىمەن قاتار، بيىلعى جىلى جەكە مەنشىك بالاباقشالاردا 5227 ورىندى مەملەكەتتىك ءبىلىم بەرۋ تاپسىرىسىن ورنالاستىرۋ بويىنشا كونكۋرس وتكىزىلدى. بارلىعى 35 698 ورىندى مەملەكەتتىك تاپسىرىس 573 جەكەمەنشىك مەكتەپكە دەيىنگى ۇيىمداردا جۇزەگە اسىرىلادى.

بريفينگ تاقىرىبىن جالعاستىرا وتىرىپ، ءبىلىم باسقارماسىنىڭ باسشىسى جۋرناليستەرگە ورتا ءبىلىم بەرۋ سالاسى 300 مىڭنان استام وقۋشى وقيتىن 298 مەكتەپتى قامتيتىنىن ايتتى. بالاباقشالارداعىداي مەكتەپتەردە دە ورىن تاپشىلىعى بايقالادى، بۇگىندە 19 مىڭنان استام ورىن جەتپەيدى.

2021-2022 وقۋ جىلىنىڭ باسىندا مەكتەپتەردە تاپشىلىق 33 مىڭنان استام ورىندى قۇرادى. ورىن تاپشىلىعىن كەزەڭ-كەزەڭمەن تومەندەتۋ ماقساتىندا ورتا ءبىلىم بەرۋدىڭ 33 وبەكتىسى ىسكە قوسىلدى، ولاردىڭ ەسەبىنەن 15 719 جاڭا وقۋشى ورنى قۇرىلدى. ونىڭ ىشىندە 5 100 ورىنعا ارنالعان 3 مەكتەپ (قالقامان، سايالى، توميريس شاعىن اۋداندارى); 7 963 ورىندىق مەكتەپتەرگە 17 قوسىمشا قۇرىلىس (№№ 6, 34, 38, 43, 57, 60, 102, 117, 121, 132, 133, 144, 166, 170, 177, 186, 199). جەكە ينۆەستيتسيالار ەسەبىنەن 2 656 ورىندىق 13 جەكەمەنشىك مەكتەپ اشىلدى.

2022 جىلدىڭ سوڭىنا دەيىن 13 820 ورىندىق 18 ورتا ءبىلىم بەرۋ نىسانىن ىسكە قوسۋ جوسپارلانۋدا. ولار قالقامان-2, قايرات، دارحان، مادەنيەت، نۇركەنت شاعىناۋداندارىنداعى 7 500 ورىندىق 5 مەكتەپ - №48, 191, 125, 146 مەكتەپتەر، №9 مي كەڭەيتىلىپ، سونىڭ ەسەبىنەن قوسىمشا 1270 ورىن پايدا بولادى. ولار جەكە ينۆەستيتسيا ەسەبىنەن بوستاندىق جانە ناۋرىزباي اۋداندارىنان 1800 ورىندى ەكى عيمارات ساتىپ الىپ، 3250 ورىندىق 6 مەكتەپ اشپاق.

ءلاززات جىلقىباەۆا الماتىدا قالانىڭ ساۋلەت كەلبەتىن قالىپتاستىرۋ جانە قالا قۇرىلىسىن جوسپارلاۋ قاعيدالارى ازىرلەنگەنىن، ونىڭ اياسىندا كوپ قاباتتى تۇرعىن ءۇي

كەشەندەرىن سالۋ كەزىندە حالىقتىڭ بولجامدى تىعىزدىعىن ەسكەرە وتىرىپ، مەكتەپتەردىڭ قادامدىق قولجەتىمدىلىكتە مىندەتتى تۇردە بولۋى تالاپ ەتىلەتىنىن ەسكە سالدى.

«بۇل شارالار قالا اكىمدىگىنە قۇرىلىسشىلارمەن 11 مەكتەپ جانە 13 055 وقۋشى ورنىنا ارنالعان مەكتەپتەرگە 5 قوسىمشا قۇرىلىس سالۋعا مەموراندۋم جاساسۋعا مۇمكىندىك بەردى»، - دەپ قورىتىندىلادى وكق سپيكەرى.

ايتا كەتەيىك، بۇعان دەيىن قالا اكىمى ەربولات دوساەۆ الماتىنىڭ بىرنەشە اۋدانىندا جاڭا مەكتەپتەر اشىلاتىنىن مالىمدەگەن بولاتىن.

الماتىنىڭ تۇركسىب اۋدانىندا كۇزدە باستاۋىش مەكتەبىن اشۋ جوسپارلانىپ وتىر. وندا قوسىمشا 40 جۇمىس ورنى مەن 200 وقۋشى قابىلداۋ مۇمكىندىگى بولماق.

سونداي-اق الاتاۋ اۋدانىندا جىلدىڭ سوڭىنا دەيىن 7800 ورىندىق 5 مەكتەپ سالىنۋ جوسپارلانۋدا. شاڭىراق-1 شاعىناۋدانىنداعى № 41 مەكتەپتىڭ ورنىنا جاڭا مەكتەپ سالىنىپ، «سايالى-2 جانە زەردەلى شاعىناۋداندارىندا ارقايسىسى 550 ورىندىق تاعى 2 مەكتەپتىڭ قۇرىلىسى باستالماق.

«بۇگىن سايالى-2 بويىنشا مەردىگەر ۇيىمدى انىقتاۋ ءۇشىن كونكۋرس جاريالاندى. قۇرىلىس جۇمىستارى قىركۇيەك ايىندا باستالىپ، 2023 جىلدىڭ قاراشا ايىندا اياقتالادى. زەردەلى شاعىناۋدانى بويىنشا جوبالاۋ-سمەتالىق قۇجاتتاما وسى جىلدىڭ قىركۇيەك ايىندا اياقتالادى. جۇمىستاردى 2023 جىلدىڭ ناۋرىزىندا باستاپ، 2024 جىلدىڭ تامىز ايىندا اياقتاۋ كوزدەلىپ وتىر»، - دەدى ەربولات دوساەۆ.

اكىمنىڭ ايتۋىنشا، جاڭا مەملەكەتتىك جانە جەكە مەنشىك ءبىلىم بەرۋ وبەكتىلەرىن سالۋ ارقىلى ورىن تاپشىلىعىن ازايتۋ قولعا الىنعان.

«مەملەكەتتىك مەكتەپتەردىڭ باستاۋىش سىنىپتارىن فيليال رەتىندە تۇرعىن ءۇي كەشەندەرىنىڭ ءبىرىنشى قاباتتارىندا ورنالاستىرۋ تەتىگى قاراستىرىلۋدا. وسىلايشا، 2022 جىلدىڭ باسىنان بەرى 3 316 ورىندىق 54 جەكە مەنشىك بالا باقشا اشىلدى، وسى جىلدىڭ سوڭىنا دەيىن تاعى 1 460 ورىندىق 17 بالاباقشا، ونىڭ ىشىندە 560 ورىندىق 2 مەملەكەتتىك بالا باقشا اشىلاتىن بولادى»، - دەدى قالا اكىمى.

بيىل ورتا ءبىلىم بەرۋ سالاسىندا 13,8 مىڭ ورىنعا ەسەپتەلگەن 18 وبەكتىنى پايدالانۋعا بەرۋ جوسپارلانىپ وتىر، ونىڭ ىشىندە 10 750 ورىنعا 11 جاڭا مەكتەپ (ونىڭ 5-ەۋى 7 500 ورىندىق مەملەكەتتىك مەكتەپتەر جانە 3 250 ورىندىق 6 جەكە مەنشىك مەكتەپ), 1 270 ورىنعا 5 قوسىمشا قۇرىلىس، 1 800 ورىندىق 2 عيماراتتى ساتىپ الۋ جوسپارلانىپ وتىر

جىلدىڭ سوڭىنا دەيىن 3-6 جاس ارالىعىنداعى بالالاردى مەكتەپكە دەيىنگى بىلىممەن قامتۋ 2,4%،  مەكتەپتەردەگى وقۋشى ورىندارىنىڭ سانى 5%-كە وسەدى.

Abai.kz