Almaty jyl sayyn halyq sany qarqyndy artyp kele jatqan qalanyng biri sanalady. Qazaqstan boyynsha halyq sany eng kóp sanalatyn qaladaghy halyqtyng basym bóligi jas otbasylar. Búl qaladaghy bilim beru oshaqtarynyng sanyn arttyru mәselesining ótkir túrghanynyng dәleli. Qalada bilim beru oshaqtaryn jóndeu, salu júmystary bir sәt toqtaghan emes.

Almaty qalasy bilim basqarmasynyng basshysy Lәzzat Jylqybaeva ónirlik kommunikasiyalar qyzmetining alanynda jana 2022-2023 oqu jylyna dayyndyq pen balabaqshalardyng júmysy turaly aityp berdi.

Lәzzat Jylqybaevanyng aituynsha, býginde Almaty aumaghynda 866 balabaqsha júmys isteydi, onyng 193-i memlekettik balabaqsha.

«Biz balabaqshalargha kezekti tómendetu boyynsha sharalar keshenin qabyldap jatyrmyz. Mysaly, birinshi jartyjyldyqta Almatyda 3316 oryndy 54 jana jekemenshik balabaqsha ashyldy. Jyl sonyna deyin taghy 2 mynnan astam oryndyq 15 jekemenshik mektepke deyingi úiym ashu jәne 280 oryndy memlekettik balabaqshany iske qosu josparlanghan», - dedi L. Jylqybaeva.

Sonymen qatar, biylghy jyly jeke menshik balabaqshalarda 5227 oryndy memlekettik bilim beru tapsyrysyn ornalastyru boyynsha konkurs ótkizildi. Barlyghy 35 698 oryndy memlekettik tapsyrys 573 jekemenshik mektepke deyingi úiymdarda jýzege asyrylady.

Brifing taqyrybyn jalghastyra otyryp, bilim basqarmasynyng basshysy jurnalisterge orta bilim beru salasy 300 mynnan astam oqushy oqityn 298 mektepti qamtitynyn aitty. Balabaqshalardaghyday mektepterde de oryn tapshylyghy bayqalady, býginde 19 mynnan astam oryn jetpeydi.

2021-2022 oqu jylynyng basynda mektepterde tapshylyq 33 mynnan astam oryndy qúrady. Oryn tapshylyghyn kezen-kezenmen tómendetu maqsatynda orta bilim beruding 33 obektisi iske qosyldy, olardyng esebinen 15 719 jana oqushy orny qúryldy. Onyng ishinde 5 100 oryngha arnalghan 3 mektep (Qalqaman, Sayaly, Tomiris shaghyn audandary); 7 963 oryndyq mektepterge 17 qosymsha qúrylys (№№ 6, 34, 38, 43, 57, 60, 102, 117, 121, 132, 133, 144, 166, 170, 177, 186, 199). Jeke investisiyalar esebinen 2 656 oryndyq 13 jekemenshik mektep ashyldy.

2022 jyldyng sonyna deyin 13 820 oryndyq 18 orta bilim beru nysanyn iske qosu josparlanuda. Olar Qalqaman-2, Qayrat, Darhan, Mәdeniyet, Núrkent shaghynaudandaryndaghy 7 500 oryndyq 5 mektep - №48, 191, 125, 146 mektepter, №9 MY keneytilip, sonyng esebinen qosymsha 1270 oryn payda bolady. Olar jeke investisiya esebinen Bostandyq jәne Nauryzbay audandarynan 1800 oryndy eki ghimarat satyp alyp, 3250 oryndyq 6 mektep ashpaq.

Lәzzat Jylqybaeva Almatyda qalanyng sәulet kelbetin qalyptastyru jәne qala qúrylysyn josparlau qaghidalary әzirlengenin, onyng ayasynda kóp qabatty túrghyn ýi

keshenderin salu kezinde halyqtyng boljamdy tyghyzdyghyn eskere otyryp, mektepterding qadamdyq qoljetimdilikte mindetti týrde boluy talap etiletinin eske saldy.

«Búl sharalar qala әkimdigine qúrylysshylarmen 11 mektep jәne 13 055 oqushy ornyna arnalghan mektepterge 5 qosymsha qúrylys salugha memorandum jasasugha mýmkindik berdi», - dep qorytyndylady ÓKQ spiykeri.

Ayta keteyik, búghan deyin qala әkimi Erbolat Dosaev Almatynyng birneshe audanynda jana mektepter ashylatynyn mәlimdegen bolatyn.

Almatynyng Týrksib audanynda kýzde bastauysh mektebin ashu josparlanyp otyr. Onda qosymsha 40 júmys orny men 200 oqushy qabyldau mýmkindigi bolmaq.

Sonday-aq Alatau audanynda jyldyng sonyna deyin 7800 oryndyq 5 mektep salynu josparlanuda. Shanyraq-1 shaghynaudanyndaghy № 41 mektepting ornyna jana mektep salynyp, «Sayaly-2 jәne Zerdeli shaghynaudandarynda әrqaysysy 550 oryndyq taghy 2 mektepting qúrylysy bastalmaq.

«Býgin Sayaly-2 boyynsha merdiger úiymdy anyqtau ýshin konkurs jariyalandy. Qúrylys júmystary qyrkýiek aiynda bastalyp, 2023 jyldyng qarasha aiynda ayaqtalady. Zerdeli shaghynaudany boyynsha jobalau-smetalyq qújattama osy jyldyng qyrkýiek aiynda ayaqtalady. Júmystardy 2023 jyldyng nauryzynda bastap, 2024 jyldyng tamyz aiynda ayaqtau kózdelip otyr», - dedi Erbolat Dosaev.

Ákimning aituynsha, jana memlekettik jәne jeke menshik bilim beru obektilerin salu arqyly oryn tapshylyghyn azaytu qolgha alynghan.

«Memlekettik mektepterding bastauysh synyptaryn filial retinde túrghyn ýy keshenderining birinshi qabattarynda ornalastyru tetigi qarastyryluda. Osylaysha, 2022 jyldyng basynan beri 3 316 oryndyq 54 jeke menshik bala baqsha ashyldy, osy jyldyng sonyna deyin taghy 1 460 oryndyq 17 balabaqsha, onyng ishinde 560 oryndyq 2 memlekettik bala baqsha ashylatyn bolady», - dedi qala әkimi.

Biyl orta bilim beru salasynda 13,8 myng oryngha eseptelgen 18 obektini paydalanugha beru josparlanyp otyr, onyng ishinde 10 750 oryngha 11 jana mektep (onyng 5-eui 7 500 oryndyq memlekettik mektepter jәne 3 250 oryndyq 6 jeke menshik mektep), 1 270 oryngha 5 qosymsha qúrylys, 1 800 oryndyq 2 ghimaratty satyp alu josparlanyp otyr

Jyldyng sonyna deyin 3-6 jas aralyghyndaghy balalardy mektepke deyingi bilimmen qamtu 2,4%,  mektepterdegi oqushy oryndarynyng sany 5%-ke ósedi.

Abai.kz