ءامىر  قاراقۇلوۆتىڭ  «عالامتورداعى ماحاببات» اتتى  تولىقمەتراجدى كوركەم  ءفيلمى  كورەرمەنىنە  جول  تارتتى.  فيلم  جەلىسى بويىنشا تاكاپپار بولمىستى  سۇلۋ  قىز  ەبەدەيسىز  ارىپتەسىن  كوزگە  ىلمەي، عالامتورداعى  دارىندى  دا  كەلبەتتى  جىگىتكە  ىنتىزار بولادى.  شارتتى  الەمدە  بارى  دە بەك  مۇمكىن. عالامتور  شەكارانى  بۇزادى...

ءامىر  قاراقۇلوۆتىڭ  «عالامتورداعى ماحاببات» اتتى  تولىقمەتراجدى كوركەم  ءفيلمى  كورەرمەنىنە  جول  تارتتى.  فيلم  جەلىسى بويىنشا تاكاپپار بولمىستى  سۇلۋ  قىز  ەبەدەيسىز  ارىپتەسىن  كوزگە  ىلمەي، عالامتورداعى  دارىندى  دا  كەلبەتتى  جىگىتكە  ىنتىزار بولادى.  شارتتى  الەمدە  بارى  دە بەك  مۇمكىن. عالامتور  شەكارانى  بۇزادى...

وسى  ەكەۋنىڭ  ءبىر  ادام ەكەنىن بىلگەندەگى  قىز  كوڭىلى قانداي  جاعدايدا  بولادى  ەكەن ؟ شىنايى ومىردەن ساياقتاپ، عالامتوردان  جۇپ ىزدەپ، ەسەپپەن قۇرالعان  ساندىق  سەزىم، جۇمباق  بەينە، ناپسىقۇمارلىق  سۇلۋ قىزعا دەگەن  ءۇش ەركەكتىڭ، ءۇش ءتۇرلى  نيەتتەگى  سەزىمدەرى ونى قانشالىقتى باقىتتى ەتە الادى؟ ونىڭ  سۇيىپ  ۇزدىكتىرگەن  ماحابباتى  نەلىكتەن  بەت-بەينەسىن كورسەتۋدەن قاشادى؟  قىز سۇلۋلىعىنا  باسىن  يگەن «سۇرىقسىز باستىق»  اقشاعا تولى بايلىعىمەن  قىز جۇرەگىن ساتىپ الا الا ما؟ زاماناۋي  قالا ومىرىندە  جەدەل  ءوربيتىن  وقيعا  ماحابباتتىڭ ازاپتى سەزىممەن استاسۋىن، ونىڭ جولىنداعى اداسۋلار مەن شاتاسۋلار، شىتىرمان حيكاياتتاردىڭ  سان سالالى  شيەلەنىسىن  بايان ەتەدى. پەشەنەگە جازىلعان  تاعدىر جازۋى دەگەنىنە جەتكىزەتىنى حاق. وتتان، سۋدان  ءتۇرلى تاسىلدەرمەن كۇرەسكە تۇسەتىن  ماقسات جولىنداعى كەيىپكەرلەرىنىڭ  تاعدىرىن  جاساۋدا  اسا شەبەرلىك  تانىتقان ستسەناري اۆتورى  ە. گوردەەۆانىڭ  ويىن  رەجيسسەر  ءا.قاراقۇلوۆ  اسا شەبەرلىكپەن ەكراندا بەينەلەي الدى. ەكران  سۋرەتكەرى  قالىپتى ءومىر سيۋجەتتەرىن  شەبەر ەكران  تىلىنە  اينالدىرىپ،  رەجيسسەردىق  ەرەكشە شەشىمى بويىنشا اكتەرلىق ءانسامبلدى  جۇيەلەي  الۋىمەن، ءار اكتەردىڭ جەكە وبرازعا ەنۋىنە  ءفيلمنىڭ كومپازيتسيالىق،  ميزانستسەنالىق كوركەمدىگىمەن وزىندىك قولتاڭباسىمەن كورەرمەنگە ايتپاق ويىن  اداسپاي جەتكىزەدى. جاستار  اۋديتورياسىنا تىكەلەي ارنالعان  اتالمىش  فيلمنىڭ  بۇگىننەن سىر شەرتەر، كورەرمەنگە ءسوز استارىمەن ايتار ويى كوپ.
سىرلى سەزىم ماحاببات قۇدىرەتىن  از ۋاقىتتىق لاززاتپەن شاتاستىراتىن  بىرنەشە كەيىپكەردىڭ ءىس ارەكەتى ارقىلى  كورەرمەن ءفيلمدى كورۋ ارقىلى اق پەن قارانى اجىراتۋعا جەتەدى. ءار كەيىپكەردىڭ تاعدىرىنا، ولاردى الدا كۇتەتىن قياندىقتى سەزگەن كورەرمەن جانى اشىپ، ەران ىشىندەگى بولىپ جاتقان تاعدىر ايقاسىندا سۇيىكتى اكتەرلەرىنىڭ امان قالعانىمەن، جەڭىسىن تىلەپ وتىرادى.ءفيلمنىڭ ماقساتى دا سول. باس كەيىپكەر ءرولىن سومدايتىن بيبىگۇل ءسۇيىنشالينا  رولىنە ساي سۇلۋلىعىمەن دە، ءىس ارەكەتىمەن دە كورەرمەن نازارىنان جوعارى ورىن الىپ، ءوز ويىنىنا سەندىرە الدى.  «عالامتورداعى ماحاببات» ءفيلمى  ارقىلى  قازاق كينوسىنىڭ جاڭا جۇلدىزى دۇنيەگە كەلگەنى كوڭىلگە قۋانىش سىيلايدى.