تۇرعىنداردىڭ جايلى ءومىر ءسۇرۋى مەملەكەتتىڭ باستى باسىمدىقتارىنىڭ ءبىرى ەكەنى انىق. سوندىقتان دا تۇرعىن ءۇي كەشەندەرىنىڭ ماڭىندا بالالار وينايتىن الاڭ، جۇگىرۋ جولاقتارى مەن سەرۋەندەۋگە ارنالعان ساياباق، قاۋىپسىز اۋلا مەن جايلى ورىندار ازىرلەنەدى. الماتى قالاسى حالقى ەڭ كوپ مەگاپوليس رەتىندە بارلىق اۋلالاردى اتالعان قاجەتتىلىكتەرمەن قامتاماسىز ەتۋ ءۇشىن جۇيەلى جۇمىستاردى ىسكە اسىرۋدا. 

تۇركسىب اۋدانى تۇرعىندارى ءۇشىن سپورت وبەكتىلەرىن «جاقىن ورنالاستىرۋ» جۇمىستارى جالعاسىپ جاتىر. جىلدىڭ سوڭىنا دەيىن جاس قانات شاعىناۋدانىندا باسسەينى بار تاعى ءبىر سپورت كەشەنى ىسكە قوسىلادى. بۇل تۋرالى الماتى قالاسى اكىمى ەربولات دوساەۆ تۇرعىندارمەن كەزدەسۋى بارىسىندا ايتتى.

«وسى جىلدىڭ ناۋرىز ايىندا جۇلدىز شاعىناۋدانىندا باسسەينى، گيمناستيكا، جەكپە-جەكپەن اينالىسۋعا ارنالعان زالدارى جانە ت.ب. بار جەكە دەنە شىنىقتىرۋ-ساۋىقتىرۋ كەشەنى اشىلدى. جىلدىڭ سوڭىنا دەيىن جاس قانات شاعىناۋدانىندا باسسەينى بار تاعى ءبىر سپورت كەشەنى پايدالانۋعا بەرىلەدى»، – دەدى دوساەۆ.

Cپورت كەشەندەرىن كوپتەپ سالۋ ماڭىزدى. بۇل دەنى ساۋ ۇلت پەن ۇرپاق پرينتسيپىنە ساي كەلەتىن جوبالار ەكەنىن تۇسىنۋگە ءتيىسپىز.

2022 جىلدىڭ قازان ايىندا مايلين كوشەسىندەگى «اۆياتور» ستاديونىنىڭ جانە وگارەۆ كوشەسىندەگى دامۋ جانە شىعارماشىلىق ورتالىقتىڭ اۋماعىندا دەنە شىنىقتىرۋ-ساۋىقتىرۋ كەشەنىن سالۋ ءۇشىن جوبالاۋ-سمەتالىق قۇجاتتاماعا مەملەكەتتىك ساراپتاما قورىتىندىسىن الۋ جوسپارلانعان.

Abai.kz