ەحرو ەلباسىنىڭ يدەياسى
2008 جىلى يسپانيانىڭ ساراگوسا قالاسىندا بولعان حالىقارالىق كورمەدە قازاقستان ەكسپوزيتسياسى تابىستى وتكىزىلگەنىنەن كەيىن قازاقستان رەسپۋبليكاسىنىڭ پرەزيدەنتى ن.نازارباەۆ ەلىمىزدىڭ باس قالاسىندا وسىنداي ءىس-شارا وتكىزۋ تۋرالى يدەيا ۇسىنعان ەدى.
بەلگىلەنگەن رەگلامەنتكە سايكەس قازاقستان حكب باس حاتشىسى ۆ.لوسسەرتالەسكە ءتيىستى ءوتىنىش 2011 جىلدىڭ 10 ماۋسىمىندا تاپسىرىلدى.
حالىقارالىق كورمەلەر بيۋروسىنىڭ 152-ءشى باس اسسامبلەياسىندا وتكەن قۇپيا داۋىس بەرۋ ناتيجەسىندە قازاق ەلورداسى 103 داۋىس جيناپ، بەلگيالىق لەج قالاسىن باسىپ وزدى، سونىڭ ناتيجەسىندە ەكسپو-2017 حالىقارالىق كورمەسىن وتكىزۋ ورنى بولىپ استانا قالاسى تاڭدالدى.
بۇل ەلباسى جۇرگىزىپ وتىرعان ساياساتقا دەگەن جوعارعى باعا جانە استانا قالاسىن حالىقارالىق دەڭگەيدەگى ءىس-شارانى وتكىزە الادى دەگەن ۇلكەن سەنىمنىڭ ناتيجەسى.
حالىقارالىق كورمەلەر بيۋروسى تاريحىندا بۇنداي وزۋ تۇڭعىش رەت ورىن الىپ وتىرعانىن دا اتاپ وتكەن ابزال.
ىنتىماقتاستىقتى كەڭەيتۋ
«ەكسپو-2017» حالىقارالىق مامانداندىرىلعان كورمەسىن وتكىزۋ قۇقىعىنا استانا قالاسىنىڭ ءوتىنىمىن جىلجىتۋ حالىقارالىق ىنتىماقتاستىق ۇلگىسىندەگى بارلىق تەتىكتەر مەن رەسۋرستاردى قولدانۋ ارقاسىندا جۇزەگە استى.
2008 جىلى يسپانيانىڭ ساراگوسا قالاسىندا بولعان حالىقارالىق كورمەدە قازاقستان ەكسپوزيتسياسى تابىستى وتكىزىلگەنىنەن كەيىن قازاقستان رەسپۋبليكاسىنىڭ پرەزيدەنتى ن.نازارباەۆ ەلىمىزدىڭ باس قالاسىندا وسىنداي ءىس-شارا وتكىزۋ تۋرالى يدەيا ۇسىنعان ەدى.
بەلگىلەنگەن رەگلامەنتكە سايكەس قازاقستان حكب باس حاتشىسى ۆ.لوسسەرتالەسكە ءتيىستى ءوتىنىش 2011 جىلدىڭ 10 ماۋسىمىندا تاپسىرىلدى.
حالىقارالىق كورمەلەر بيۋروسىنىڭ 152-ءشى باس اسسامبلەياسىندا وتكەن قۇپيا داۋىس بەرۋ ناتيجەسىندە قازاق ەلورداسى 103 داۋىس جيناپ، بەلگيالىق لەج قالاسىن باسىپ وزدى، سونىڭ ناتيجەسىندە ەكسپو-2017 حالىقارالىق كورمەسىن وتكىزۋ ورنى بولىپ استانا قالاسى تاڭدالدى.
بۇل ەلباسى جۇرگىزىپ وتىرعان ساياساتقا دەگەن جوعارعى باعا جانە استانا قالاسىن حالىقارالىق دەڭگەيدەگى ءىس-شارانى وتكىزە الادى دەگەن ۇلكەن سەنىمنىڭ ناتيجەسى.
حالىقارالىق كورمەلەر بيۋروسى تاريحىندا بۇنداي وزۋ تۇڭعىش رەت ورىن الىپ وتىرعانىن دا اتاپ وتكەن ابزال.
ىنتىماقتاستىقتى كەڭەيتۋ
«ەكسپو-2017» حالىقارالىق مامانداندىرىلعان كورمەسىن وتكىزۋ قۇقىعىنا استانا قالاسىنىڭ ءوتىنىمىن جىلجىتۋ حالىقارالىق ىنتىماقتاستىق ۇلگىسىندەگى بارلىق تەتىكتەر مەن رەسۋرستاردى قولدانۋ ارقاسىندا جۇزەگە استى.
حكب-گە مۇشە بارلىق مەملەكەتتەرمەن (157) كەزدەسۋلەر مەن كەلىسسوزدەر وتكىزىلدى، 4 مەملەكەتپەن ديپلوماتيالىق قارىم-قاتىناس ورناتىلدى جانە تاعى دا 7 مەملەكەتپەن اڭگىمە ءجۇرىپ جاتىر.
بۇۇ جۇيەسىندەگى ءارتۇرلى حالىقارالىق ۇيىمداردا ءوزارا داۋىستارمەن الماسۋ ارقاسىندا 11 رەسمي حات الىندى.
ءوتىنىمدى جىلجىتۋ كەزىندە قازاقستاننىڭ افريكا، وڭتۇستىك امەريكا جانە ازيا-تىنىق مۇحيتتىق ايماقتاعى مەملەكەتتەرمەن ىنتىماقتاستىعى نىعايىپ، بىرقاتار ەلدەرمەن ءوزارا تۇسىنىستىك تۋرالى مەموراندۋمدارعا قول قويىلدى.
«بولاشاق ەنەرگياسى» EXPO 2017 تاقىرىبى بۇۇ باس حاتشىسىنىڭ جانىنداعى كەڭەستىك توپتىڭ «تۇراقتى دامۋ ءۇشىن ەنەرگيا» اتتى باياندامانىڭ تاقىرىبى مەن سيپاتتاماسىنا سايكەس كەلىپ، مۇشە مەملەكەتتەر اراسىندا تولىعىمەن قولداۋ تاپتى. ءبىزدىڭ باستامامىزدى بۇۇ باس اسسامبلەياسى، تەڭىزگە شىعا المايتىن مەملەكەتتەر كونفەرەنتسياسى جانە بريكس، CIVETS (كولۋمبيا، يندونەزيا، ۆەتنام، ءۇندىستان، ەگيپەت، تۇركيا جانە وڭتۇستىك افريكا), اسەان، ەسكاتو، شىۇ، ەىۇ جانە ت.ب. سياقتى حالىقارالىق بىرلەستىكتەر دە ماقۇلداپ شىقتى.
كورمە وتكەننەن كەيىنگى وبەكتىلەر. ولاردى قالاي پايدالانامىز؟
قۇرىلىس اۋقىمى، ينۆەستيالار كولەمى جانە ونىڭ ساۋلەتتىك شەشىمدەرى كورمە عيماراتتارىن ءىس-شارا وتكەننەن كەيىنگى پايدالانۋ بويىنشا ەڭ ءتيىمدى شەشىم قابىلداۋدى تالاپ ەتەدى.
ەكسپو-2017 كورمەسىن وتكىزگەننەن كەيىن عيماراتتار مەن الاڭداردىڭ ءبىر بولىگى عىلىمي زەرتحانالار، عىلىمي ورتالىقتار جانە زەرتتەۋ ينستيتۋتتار رەتىندە پايدالانۋعا بولادى. ەكسپوقالاشىق رەتىندە قۇرىلعان عيماراتتاردى مەملەكەتتىك تۇرعىن ءۇي قورىنا وتكىزىپ، ەلوردا ءوز الەۋمەتتىك دامۋ ماسەلەلەرىنىڭ ءبىرىن شەشە الاتىن بولادى.
حالىقارالىق ەكسپو-2017 كورمەسىن وتكىزگەننەن كەيىن «زەرتتەۋ ورتالىعىن» قۇرىپ، ونى نازارباەۆ ۋنيۆەرسيتەتى ااق-عا تاپسىرۋ جانە وعان قوسا «عىلىم مۇراجايىن» قۇرۋ دا جوسپارلانىپ وتىر.
استانا قالالىق اكىمدىگى كورمە وبەكتىلەرىن سالۋعا جوسپارلاپ وتىرعان 113 گا كولەمدەگى جەر تەلىمى ساياسي جانە مادەني ماڭىزدىلىعى بار قۇرىلىس وبەكتىلەرى ورنالاسقان مىنجىلدىق اللەياسىندا قۇرىلۋعا جوسپارلانعان.
ەكسپو-2017 مەملەكەتىمىزدىڭ جانە ايماقتىڭ دامۋىنا ەرەكشە سەپتىگىن تيگىزەتىن ءىرى جوبا. كورمەنىڭ ينتەللەكتۋالدى مۇراسى قازاقستاندى جاڭا دەڭگەيگە كوتەرە الادى جانە وعان قوسا قۇرىلىسقا، تۋريستىك ينفراقۇرىلىمعا، قوناقۇيلەر ىسىنە ينۆەستيتسيالار تارتۋدان باستالاتىن مۋلتيپليكاتيۆتى اسەرىن دە ايتا كەتۋگە بولادى.
لوسسەرتالەسپەن كەزدەسۋ
ۇسىتىمىزدەگى جىلى 23 قاراشادا پاريجدە ورنالاسقان حالىقارالىق كورمەلەر بيۋروسى باس پاتەرىندە باس حاتشى لوسسەرتالەسپەن ەلىمىزدىڭ ۇلتتىق ۇيلەستىرۋشىسى رەتىندە كەزدەسۋ وتكىزدىم. ونىڭ بارىسىندا ەكسپو-2017 كورمەسىن استانادا وتكىزۋگە بايلانىستى دايىندىق شارالار ۇدەرىسى ءسوز بولدى.
حكب بارلىق تالاپتارى مەن قاعيدالارىنىڭ ساقتاۋ ماقساتىندا جانە وعان قوسا قازاقستان ۇكىمەتى ءىس-شارالارىن ۇيلەستىرۋ بويىنشا جۇيەلىك جۇمىستاردى ۇيىمداستىرۋ ءۇشىن كەلەر جىلدىڭ قاڭتار ايى ورتا شەگىندە حكب-دە قازاقستاننىڭ بارلىق مەملەكەتتىك ورگاندارى وكىلدەرىنىڭ قاتىسۋىمەن كەڭەيتىلگەن وتىرىس وتكىزۋ جوسپارلانىپ وتىر.
ەكسپو كورمەسىن وتكىزۋ بويىنشا استاناداعى دايىندىق شارالاردىڭ كەلەسى قادامى رەتىندە قازاقستان رەسپۋبليكاسىنىڭ ءتيىستى مەكەمەلەرىنىڭ قاتىسۋىمەن «مەملەكەتتىك كورپوراتسياسىن» قۇرۋ بولادى.
«Abai.kz»
