اباي وبلىسى ءۇرجار اۋدانىنداعى الاكول كولى جاعاسىندا ءورت شىعىپ، ءتورت دەمالىس ورنى وتقا وراندى.

توتەنشە جاعدايلار مينيسترلىگىنىڭ حابارلاۋىنشا، وقيعا 4 شىلدەدە ساعات 23.20 شاماسىندا بولعان. دەمالىس بازاسى ورتەنىپ، قاتتى جەلدەن كورشىلەس دەمالىس ورنىن دا ءورت شارپىعان. وتقا ورانعان اۋماق شامامەن 1 مىڭ شارشى مەتردى قامتيدى

كولدىڭ جاعالاۋىنداعى ءورت 5 شىلدەدە 05 ساعات 40 مينۋتتا ءسوندىرىلدى. بۇل تۋرالى شقو توتەنشە جاعدايلار دەپارتامەنتى حابارلادى.

ء"ورت شامامەن 3000 شارشى مەتر اۋماقتى شارپىپ، ءتورت دەمالىس بازاسى زارداپ شەكتى. ءورت ورنىندا جاو، شقو تجد، پد، تارباعاتاي ۇلتتىق پاركى جانە الماتى وبلىسى تجد 186 ادام مەن 29 بىرلىك تەحنيكا جۇمىلدىرىلدى. ءورت بىردەن ءبىر اعاش ۇيدەن ەكىنشىسىنە تارالا باستادى. ءورت سوندىرۋشىلەردىڭ جانە ءورتتى سوندىرۋگە اتسالىسقان جەرگىلىكتى تۇرعىنداردىڭ جەدەل ارەكەتتەرىنىڭ ارقاسىندا ءورت ءسوندى. 7 ادام مەديتسينالىق كومەككە جۇگىندى. دارىگەرلەردىڭ تەكسەرۋىنەن كەيىن جانە العاشقى كومەك كورسەتكەننەن كەيىن اۋرۋحاناعا جاتقىزۋدىڭ قاجەتى جوق ەكەندىگىن انىقتالدى", - دەدى دەپارتامەنت.

Abai.kz