سارسەنبى, 10 تامىز 2022
انە، كوردىڭ بە؟ 1801 5 پىكىر 30 مامىر, 2022 ساعات 13:23

پۋتين ءتىرى مە؟

بريتان باسىلىمدارىندا رەسەي پرەزيدەنتىنىڭ قازاسى تۋرالى اقپارات قىزۋ تالقىلانىپ جاتىر. Mي-6 سىرتقى بارلاۋ قىزمەتىنىڭ مالىمەتتەرىنە ءسۇيەنگەن بريتان باسىلىمدارى ءپۋتيننىڭ ورنىنا قازىر ونى الماستىرۋشى «سىڭارى» ەفيرلەرگە شىعىپ جۇرگەنىن جازىپتى.

«Daily Star Sunday» ۇلىبريتانيا باسىلىمىنىڭ حابارلاۋىنشا، رەسەي پرەزيدەنتى ۆلاديمير پۋتين قايتىس بولعان. «ەگەر ونىڭ قايتىس بولعانى راس بولسا، كرەمل ءپۋتيننىڭ ورنىنا ۇقساس ادامدى قويىپ، شىندىقتى جاسىرىپ وتىر»، - دەيدى باسىلىم بريتاندىق مي-6 بارلاۋ قىزمەتىنىڭ دەرەگىنە سۇيەنىپ. مي-6 بارلاۋ قىزمەتىنىڭ جوعارى لاۋازىمدى وكىلدەرى رەسەي پرەزيدەنتىنىڭ اۋىر ناۋقاسقا ۇشىراعانىن ايتقان. ەگەر ول قايتىس بولىپ كەتكەن بولسا، ونىڭ جاقتاستارى بيلىكتى ساقتاپ قالۋ ءۇشىن ونىڭ «سىڭارىن» پرەزيدەنتتىڭ ورنىن دەرەۋ اۋىستىرعانىن ايتادى.

باسىلىمىنىڭ جازۋىنشا، ءپۋتيننىڭ جاقىندا بۇقارالىق اقپارات قۇرالدارىنا بەرگەن پىكىرلەرى الدىن-الا جازىلىپ قويىلعان بولۋى مۇمكىن. ال، وسى ايدىڭ باس كەزىندەگى ماسكەۋدە وتكەن جەڭىس كۇنىنە ارنالعان شەرۋگە وعان ۇقسايتىن باسقا ادام شىققان.

«پۋتين اۋىر ناۋقاس. ول قايتىس بولعان سوڭ دا ونىڭ دەنەسى بىرنەشە اپتا نە اي بويى جاسىرىن ۇستالادى. قازىردىڭ وزىندە ول و دۇنيەلىك بولۋى مۇمكىن دەگەن بولجام بار. مۇنى ءبىلۋ مۇمكىن ەمەس. پۋتين بۇرىن اۋىرعان كەزدە، وعان ۇقساس ادام پايدالانىلعان. كرەمل ونى قايتالاي الادى. پۋتين وزىنە ادال بەرىلگەن جوعارى لاۋازىمدى از توپتى باسقارادى. ونىڭ جاقتاۋشىلارىنىڭ ەڭ ۇلكەن قورقىنىشى، ەگەر ءپۋتيننىڭ ولگەنى جاريا بولسا، كرەملدە كوتەرىلىس بولۋى مۇمكىن. ۋكرايناداعى رەسەيلىك گەنەرالدار سوعىستان باس تارتۋى مۇمكىن. بۇل ولاردى شاراسىز ايانىشتى كۇيگە تۇسىرەدى، سوندىقتان ولار ءپۋتيندى ءتىرى دەپ ايتاتىن بولادى. بىراق قازىر پرەزيدەنت تىرىلەر اراسىندا جوق بولۋى مۇمكىن»، - دەپ بارلاۋ قىزمەتشىسى باسىلىمعا پىكىر ءبىلدىرىپتى.

69 جاستاعى رەسەي پرەزيدەنتىنىڭ سوڭعى ايلاردا دەنساۋلىعى ناشارلاعان. ونىڭ ءجۇرىسى باياۋلاعان، بەتى ءىسىپ كەتكەن. كەي ادامدار: «ول قان راگىنا شالدىققان بولۋى مۇمكىن»، - دەيدى. «پۋتين سترويد ءىشىپ، راكتان ەمدەلىپ ءجۇر»، - دەگەن پىكىرلەر دە بار.

ەكى اپتا بۇرىن «New Lines» جۋرنالىنا سۇحبات بەرگەن اتى-ءجونى قۇپيا رەسەيلىك وليگارح ءپۋتيننىڭ قان راگىنا ۇشىراعانىن مالىمدەگەن. ونى ايتۋىنشا، پۋتين ۋكرايناعا شابۋىل جاساردىڭ الدىندا قازان ايىندا بەلىنە وپەراتسيا جاساتقان. بيزنەسمەن وپەراتسيانىڭ قان راگىنا تىكەلەي قاتىسى بار دەپ ەسەپتەيدى. ول رەسەيدىڭ ۋكرايناعا سوعىسىن قاتتى سىنعا الادى.

«ءبارىمىز پۋتين راكتان ولەدى نە بولماسا مەملەكەتتىك كوتەرىلىستەن ولەدى دەپ ۇمىتتەنىپ وتىرمىز. ول رەسەيدىڭ، ۋكراينانىڭ ەكونوميكاسىن جويدى... سوعىستا 15 مىڭ رەسەيلىك سارباز، 4 مىڭ ۋكراينالىق سارباز بەن 5 مىڭ بەيبىت تۇرعىن قازا تاپتى. بۇل سۇمدىق. نە ءۇشىن؟ ول 10 جىلعى اۋعان سوعىسىندا قازا بولعان ادامداردان دا كوپ ادامدى ءولتىردى»، - دەيدى وليگارح.

ال، رەسەيلىك الەۋمەتتانۋشى يگور ەيدمان پۋتين اينالاسىنداعى شۋدى ادەيى جاساپ وتىر دەپ ەسەپتەيدى. ونىڭ ايتۋىنشا، ءپۋتيننىڭ راكپەن اۋىرىپ جاتقانى، بيلىكتەگىلەر ونى اۋىستىراتىن ادام ىزدەپ جاتقانى تۋرالى دەرەكتەردى كرەمل باتىس جۋرناليستيكاسىنا، ءورىستىلدى وپپوزيتسيالىق باق-قا ادەيى شىعارىپ وتىر.

«مۇنىڭ ءبىر ماقساتى - اعىلشىندار مەن امەريكالىقتارعا «پۋتين ونسىز دا ولگەلى جاتىر، وعان قارسى ارنايى وپەراتسيالاردى ۇيىمداستىرۋدىڭ قاجەتى جوق»، دەگەن بەلگىنى بەرۋ دەپ ويلايمىن. ەڭ باستىسى، ناۋقاس ءتىرى كەزدە ونىڭ اشۋىنا ءتيۋدىڭ، ارتىق قيمىل جاساۋدىڭ قاجەتى جوق، ويتكەنى ول يادرولىق سوعىستى باستاپ جىبەرەدى. ول ءوزى-اق، قۇرىپ تىنادى. ارى قاراي ءبارى رەتتەلەدى دەگەنگە كەلتىرىپ وتىر. پۋتين ناعىز قورقاق. ءومىرى ءۇشىن زارە-قۇتى قالماي وتىر. ارينە، بايدەن مەن دجونسون ونى «قانىشەر، اسكەري قىلمىسكەر» دەپ جاريالادى. وسىنداي كىنا ارتىلعاننان كەيىن، ونىڭ جازاسى دا بولادى. بەن لادەن مەن كاسەم سۇلەيمەنيدىڭ ارتى نە بولعانى بەلگىلى. اقپاراتتىق الاڭدا ونى «كەتىپ بارا جاتقان ادام» رەتىندە كورسەتۋدە. بۇل جەردەن رەسەيلىك ارنايى قىزمەتتىڭ قولتاڭباسى كورىنەدى»، - دەپ جازدى.

ءپۋتيننىڭ «ولىمىنە» قاتىستى اقپاراتتى رەسەي سىرتقى ىستەر ءمينيسترى سەرگەي لاۆروۆ تەرىستەپتى.

«پرەزيدەنت پۋتين كۇن سايىن كوپشىلىك الدىنا شىعىپ، سويلەپ ءجۇر. ونىڭ سويلەگەن سوزدەرىن ەفيرلەردەن قاراپ، تىڭداپ، وقي الاسىزدار. اقىل-ەسى دۇرىس ادامدار پۋتيننەن اۋرۋ-سىرقاۋدىڭ بەلگىلەرىن كورە قويماس. بۇل ەندى وسىنداي وسەك-اياڭدى تاراتۋشىلاردىڭ ۇياتىنا بايلانىستى»، - دەپتى.

Abai.kz

5 پىكىر

ۇزدىك ماتەريالدار

الاشوردا

الاش-ارمان

بەيبىت قويشىباەۆ  1795
بىلگەنگە مارجان

حيلدا حۋكحەم جانە ۇلى قولباسشىلار

بەيسەنعازى ۇلىقبەك 1754
ادەبيەت

ءتۇس

ەرعالي باقاش 1652
انە، كوردىڭ بە؟

ارحيمەد كىمدى قورعاشتايدى؟

جايبەرگەن بولاتوۆ 2674