ءماجىلىس دەپۋتاتتارى ەرلىك تايجانوۆ پەن دميتري كولودا سولتۇستىك قازاقستان وبلىسىنىڭ پەتروپاۆل قالاسىنا بارىپ، «ماسلو-دەل» ۇجىمىمەن كەزدەستى. وندا دەپۋتاتتار كاسىپورىن قىزمەتكەرلەرىنە كونستيتۋتسياعا ەنگىزىلەتىن وزگەرىستەر مەن تۇزەتۋلەر تۋرالى ايتتى.  

دەپۋتاتتار ۇجىم قىزمەتكەرلەرىن رەفەرەندۋمعا بەلسەندى قاتىسۋعا جانە كونستيتۋتسيالىق وزگەرىستەر ءۇشىن داۋىس بەرۋگە شاقىردى.

- سوڭعى 27 جىل ىشىندە كونستيتۋتسياعا ءتورت رەت تۇزەتۋلەر ەنگىزىلدى، بىراق ولاردى پارلامەنت قابىلدادى. ەندى ازاماتتار تۇزەتۋلەر ءۇشىن وزدەرى داۋىس بەرەدى، – دەدى دميتري كولودا.

ال دەپۋتات ەرلىك تايجانوۆتىڭ ايتۋىنشا، ءاربىر ازامات الداعى ساياسي وزگەرىستەرگە ءوزىنىڭ قاتىسى بار ەكەنىن سەزىنۋى ءتيىس.

ايتا كەتۋ كەرەك، قازاقستانداعى تاماق ونىمدەرىن وندىرەتىن ءىرى كومپانيالاردىڭ ءبىرى سانالاتىن «ماسلو-دەل» ۇجىمىندا 500-گە جۋىق قىزمەتكەر جۇمىس ىستەيدى. جىل سايىن مۇندا 150 مىڭ توننادان استام ءونىم شىعارىلادى.

ءوز كەزەگىندە، كومپانيا قىزمەتكەرلەرى كونستيتۋتسيالىق وزگەرىستەرگە داۋىس بەرۋگە دايىن ەكەندىكتەرىن ايتتى.

Abai.kz