كيەۆتە تاۋەلسىز ۋكراينانىڭ تۇڭعىش پرەزيدەنتى لەونيد كراۆچۋكپەن قوشتاسۋ ءراسىمى ءوتىپ جاتىر. لەونيد ماكاروۆيچ 10 مامىر كۇنى كەشكە ميۋنحەندە قايتىس بولعان ەدى.  

ول جۇرەك-قان تامىر جۇيەسىنىڭ ۇزاققا سوزىلعان اۋرۋىنان 89 جاسقا قاراعان شاعىندا كوز جۇمدى. ال، ءبىر اپتا بۇرىن بەلوۆەج كەلىسىمىنە قول قويعان تاعى ءبىر ساياسي قايراتكەر ستانيسلاۆ شۋشكەۆيچ ومىردەن وتكەن بولاتىن.

ايتا كەتەيىك، لەونيد ماكاروۆيچ كراۆچۋك 1991 جىلى 8 جەلتوقساندا ۋكراينا اتىنان رەسەي فەدەراتسياسىنىڭ پرەزيدەنتى بوريس ەلتسينمەن جانە بەلارۋس رەسپۋبليكاسى جوعارعى كەڭەسىنىڭ توراعاسى ستانيسلاۆ شۋشكەۆيچپەن بىرگە كسرو-نىڭ ىدىراۋى تۋرالى بەلوۆەج كەلىسىمىنە قول قويدى.

بۇل تاريحي قۇجات وداق اياسىنداعى 15 مەملەكەتتىڭ تاۋەلسىزدىك الۋىنا جول اشتى.

Abai.kz