الماتىنىڭ قاق ورتالىعىندا نەۆسكيگە ەسكەرتكىش ورناتىلماق. بۇل تۋرالى قازاقستاننىڭ ميتروپوليتاسىنىڭ سايتىندا جازىلدى. ءمۇسىندى رەسەيدىڭ بەلگىلى ءمۇسىنشىسى، پروفەسسور س.ا. ششەرباكوۆ جاساعان. 

ءمۇسىنشى الەكساندر نەۆسكيگە ارنالعان ەسكەرتكىشتى تانىستىردى. ءمۇسىنشى كنيازدى ات ۇستىندە ەتىپ بەينەلەگەن. ول ءمۇسىندى جاساۋ بارىسىندا باتىرلىق، اۋليەلىك جانە ديپلومات ادامدى بەينەلەۋگە تىرىستىم دەيدى.

ءمۇسىنشى سالاۆات الەكساندروۆيچ ءمۇسىننىڭ بەينەسىن بىرنەشە اي بويى جاساعان. ول قازاقستاندىق جانە رەسەيلىك مۇسىنشىلەرمەن كەڭەسىپ وتىرعان. سونىمەن قاتار الماتى قالاسى اكىمدىگىنىڭ ەسكەرتپەلەرىن دە ەسكەرگەن. رەسەيلىك پاتريارح كيريلل 2022 جىلى الماتىعا كەلىپ، ءمۇسىننىڭ اشىلۋ سالتاناتىنا قاتىسۋى مۇمكىن. ول ەلىمىزدە وتەتىن الەمدىك دىندەر سەزىنە قاتىسپاق.

Abai.kz