كەشە، اعىمدى جىلدىڭ 28-ءشى ساۋىرىندە قازاقستان رەسپۋبليكاسى مەملەكەتتىك قىزمەت ىستەرى اگەنتتىگىنىڭ الماتى قالاسى بويىنشا دەپارتامەنتى المالى اۋدانى بويىنشا مكب-مەن بىرلەسىپ كاسىپكەرلەرگە مەملەكەتتىك قىزمەتتەردى الۋ كەزىندە قولداۋ جانە كومەك كورسەتۋ بويىنشا "Qoldau" كەزەكتى اكتسياسىن وتكىزدى.

اكتسيا اپتا سايىن بەيسەنبى كۇندەرى كەستەگە سايكەس، الماتى قالاسى بويىنشا اۋداندىق مەملەكەتتىك كىرىستەر باسقارمالارىندا ساعات 09.00- دەن 13.00-گە دەيىن وتكىزىلەدى. الماتى قالاسى، ابىلاي حان داڭعىلى 93/95 عيماراتتا وتكىزىلگەن اكتسياعا 332-دەن استام الماتى قالاسىنىڭ تۇرعىنى قاتىسىپ، وزدەرىنىڭ كوكەيكەستى سۇراقتارىنا جاۋاپ الدى.

2022 جىلدىڭ 1 -ءشى ناۋرىزىنان باستاپ قولدانىسقا ەنگەن سالىق تولەۋشىنىڭ پاسپورتى، جالپىعا بىردەي دەكلاراتسيا، "ە-Salyq Business" جانە "ە-Salyq Azamat" ءموبيلدى قوسىمشالارىنىڭ، ولاردى ۇيالى تەلەفوندارعا ورناتۋ الگوريتمدەرى، پايدالانۋ ەرەجەلەرى مەن دەرەكتەردى ەنگىزۋ ماسەلەلەرى قوزعالدى.

سونىمەن قاتار، قازىرگى ۋاقىتتا قوعام تاراپىندا قىزۋ تالقىلانىپ جاتقان ءموبيلدى اۋدارمالار بويىنشا ءجيى قويىلاتىن سۇراقتارعا جاۋاپ بەرىلدى.

كەلەسى كەزدەسۋ تۇركىسىب اۋدانى بويىنشا مكب-دا اعىمداعى جىلدىڭ 5 مامىرىندا وتەدى. اتالعان شارادا ءوزىڭىزدىڭ سۇراعىڭىزعا جاۋاپ الىپ، قىزمەت كورسەتۋ ساپاسىن جاقسارتۋ ماقساتىندا ءوز ۇسىنىستارىڭىزدى قالدىرا الاسىز.

Abai.kz