رەسەيلىك ينۆەستور اقتوبە وبلىسىندا 152 ملرد تەڭگەنىڭ جوباسىن جۇزەگە اسىرعىسى كەلەتىنىن ايتقان.

جوبا وبلىستا تيتان-تسيركوني كەندەرىن ءوندىرۋ جانە قايتا وڭدەۋ بويىنشا تاۋ-كەن بايىتۋ كەشەنىن سالۋعا ارنالعان. قازىر رەسەيلىك كومپانيا ديرەكتورلار كەڭەسىنىڭ شەشىمىن كۇتىپ وتىر. ينۆەستيتسيانىڭ جالپى كولەمى 152 ملرد تەڭگە.

جاڭا كەشەن جىلىنا 2,2 مىڭ توننا ءونىم شىعارىپ، 600 جۇمىس ورنىن اشا الادى. قالا اكىمدىگى بۇل جوبانىڭ اقتوبە وبلىسىن دامىتۋدىڭ كەشەندى جوسپارى اياسىندا ەنگىزىلەتىن ءىرى ءوندىرىس تىزىمىنە كىرەتىنىن ايتقان.

ەستەرىڭىزگە سالا كەتەيىك، وبلىستى دامىتۋدىڭ كەشەندى جوسپارى اياسىندا قۇنى 16,6 ملرد تەڭگەنى قۇرايتىن تاعى ءۇش ءوندىرىس ورنىن ىسكە قوسۋ جوسپارلانىپ وتىر. ونەركاسىپ نىساندارى حيميا جانە تاۋ-كەن ونەركاسىبى، ماشينا جاساۋ بولماق. بۇل 300 جۇمىس ورنىن قامتيدى.

Abai.kz