دۇيسەنبى, 27 ماۋسىم 2022
دەپ جاتىر 1756 8 پىكىر 26 ناۋرىز, 2022 ساعات 13:30

باق: نۇرلان نىعماتۋلين قازاقستاننان كەتتى

ءماجىلىستىڭ ەكس-سپيكەرى  نۇرلان نىعماتۋلين ناۋرىزدىڭ ورتاسىندا قازاقستاننان كەتتى. بۇل تۋرالى قازتاگ اگەنتتىگى جازادى.

ەكس-سپيكەر نىعماتۋلين ەكس-پرەزيدەنت نازارباەۆتىڭ تۋىسى قايرات ساتىبالدى تۇتقىندالعاننان كەيىن قازاقستاننان كەتىپ قالعان-مىس.

قازتاگ اقپاراتىنشا، نىعماتۋلين اۋەلى اتىراۋعا جەكە ۇشاقپەن ۇشىپ بارىپ، سول جاقتان Comlux كومپانياسىنىڭ بورتىنا ءمىنىپ، باكۋگە اتتانعان. ونىڭ بۇل باعىتتا ۇشىپ كەتۋىنىڭ سەبەبى – ول ءوزىنىڭ ءىزىن جاسىرماق بولعان دەيدى.

«وزدەرىڭىز بىلەتىندەي، نىعماتۋليندەر اۋلەتىنىڭ وزدەرىنىڭ جەكە ۇشاعى بار. ولار ول ۇشاقپەن كەز كەلگەن باعىتقا ۇشا الاتىن ەدى. مەيلى، دۋباي بولسىن، مەيلى، لوندون بولسىن... الايدا، نۇرلان نىعماتۋلين ءدال وسى جولدى تاڭداۋى - ءوزىنىڭ ءىزىن جاسىرۋ ارەكەتى بولۋى مۇمكىن. ول اۋەلى اتىراۋ-باكۋ باعىتىمەن بارىپ، سول جاقتان ءتىپتى، باسقا قۇجات ارقىلى كەز كەلگەن مەملەكەتكە ۇشىپ كەتۋدى ويلاعان»، - دەپ جازادى قازتاگ.

ايتا كەتەيىك، وسىعان دەيىن نۇرلان نىعماتۋليننىڭ قازاقستاننان كەتىپ قالعانى تۋرالى اقپارات شىققان. كەيىن ءماجىلىستىڭ ەكس-سپيكەرى ءوزى شىعىپ، بۇل اقپاراتتى تەرىستەگەن.

Abai.kz

8 پىكىر