سەنبى, 22 ماۋسىم 2024
جاڭالىقتار 3821 0 پىكىر 4 قازان, 2012 ساعات 08:24

تۇياعىنان ايىرىلعان جارالى جۇرتتى جۇباتقاي...

كەشە قازاقستاننىڭ حالىق ءارتىسى، كۇيشى-كومپوزيتور تۇياقبەردى شامەلوۆتى تۋعان جۇرتى اقىرەتتىك ساپارعا شىعارىپ سالدى. تۇياقبەردى قاجىگەرەيۇلى ۇزاق جىلدار قۇرمانعازى اتىنداعى قازاق مەملەكەتتىك اكادەميالىق وركەسترىنىڭ دومبىراشىسى بولىپ ەڭبەك ەتتى، شاكىرت تاربيەلەدى. جەكە ورىنداۋشى رەتىندە كوپتەگەن ەلدە ونەر كورسەتىپ، حالقىمىزدىڭ كۇي ءداستۇرىن ناسيحاتتادى. ونىڭ: «دومبىرا»، «اۋىلىمدى ساعىندىم»، «تىرنالار» ءانى ەل ىشىنە كەڭىنەن تاراعان.

تۇياقبەردى شامەلوۆتىڭ سۇيەگى اتاقتى كۇيشى مامەننىڭ قاسىنا، جاڭاقالا اۋدانى جەرىنە قويىلدى.

مارقۇمنىڭ ەل-جۇرتىنا، اعايىن-تۋىسىنا قايعىرىپ، كوڭىل ايتامىز. تۇياقبەردى اعامىزدىڭ الدى پەيىش، ارتى كەنىش بولسىن!

«Abai.kz» ۇجىمى

 

مۇنايدار بالمولدا. ۇلى دالا توسىندە اتىڭ قالدى تۇياقتاي

 

اق جايىقتىڭ توسىندە ءانىڭ قالدى ايتىلماي،

دومبىرانىڭ شەگىندە كۇيىڭ قالدى تارتىلماي.

جىلى جاقتى بەتكە العان سۇيرىكتەي سۇلۋ تىرنانىڭ،

كومەيىندە بۇلكىلدەپ سازىڭ قالدى سارقىلماي...

 

سارعايادى سارالجىن، نارىنقۇمىڭ التىنداي،

قامىس-سامار سىبدىرلاپ، ەگىلەدى حالقىڭ-اي...

«مىڭ تۇياقتىڭ ءدۇبىرى - ءبىر تۇياقتىڭ ساۋساعى»،

كۇي توككەندە كۇمبىرلەپ، جان دۇنيە بالقىدى-اي!..

 

قۇرمانعازى، دينانىڭ كوزىندەي ەڭ تۇياعىم،

مامەن، قالي، وقاپتىڭ وزىندەي ەڭ تۇياعىم.

كەشە قازاقستاننىڭ حالىق ءارتىسى، كۇيشى-كومپوزيتور تۇياقبەردى شامەلوۆتى تۋعان جۇرتى اقىرەتتىك ساپارعا شىعارىپ سالدى. تۇياقبەردى قاجىگەرەيۇلى ۇزاق جىلدار قۇرمانعازى اتىنداعى قازاق مەملەكەتتىك اكادەميالىق وركەسترىنىڭ دومبىراشىسى بولىپ ەڭبەك ەتتى، شاكىرت تاربيەلەدى. جەكە ورىنداۋشى رەتىندە كوپتەگەن ەلدە ونەر كورسەتىپ، حالقىمىزدىڭ كۇي ءداستۇرىن ناسيحاتتادى. ونىڭ: «دومبىرا»، «اۋىلىمدى ساعىندىم»، «تىرنالار» ءانى ەل ىشىنە كەڭىنەن تاراعان.

تۇياقبەردى شامەلوۆتىڭ سۇيەگى اتاقتى كۇيشى مامەننىڭ قاسىنا، جاڭاقالا اۋدانى جەرىنە قويىلدى.

مارقۇمنىڭ ەل-جۇرتىنا، اعايىن-تۋىسىنا قايعىرىپ، كوڭىل ايتامىز. تۇياقبەردى اعامىزدىڭ الدى پەيىش، ارتى كەنىش بولسىن!

«Abai.kz» ۇجىمى

 

مۇنايدار بالمولدا. ۇلى دالا توسىندە اتىڭ قالدى تۇياقتاي

 

اق جايىقتىڭ توسىندە ءانىڭ قالدى ايتىلماي،

دومبىرانىڭ شەگىندە كۇيىڭ قالدى تارتىلماي.

جىلى جاقتى بەتكە العان سۇيرىكتەي سۇلۋ تىرنانىڭ،

كومەيىندە بۇلكىلدەپ سازىڭ قالدى سارقىلماي...

 

سارعايادى سارالجىن، نارىنقۇمىڭ التىنداي،

قامىس-سامار سىبدىرلاپ، ەگىلەدى حالقىڭ-اي...

«مىڭ تۇياقتىڭ ءدۇبىرى - ءبىر تۇياقتىڭ ساۋساعى»،

كۇي توككەندە كۇمبىرلەپ، جان دۇنيە بالقىدى-اي!..

 

قۇرمانعازى، دينانىڭ كوزىندەي ەڭ تۇياعىم،

مامەن، قالي، وقاپتىڭ وزىندەي ەڭ تۇياعىم.

جاڭا جاۋعان ۇلپاداي اپپاق ەدى-اۋ يمانىڭ،

اپپاق جاندى اجالعا، قالاي عانا قيامىن؟..

 

ۇلى دالا توسىندە اتىڭ قالدى تۇياقتاي،

كۇيدىڭ كۇمبىر كوشىندە سازىڭ قالدى بۇلاقتاي.

اينالا ۇشقان توبەڭنەن ءان-سۇلۋلىق تىزىلگەن،

«قاريعا-قاريعا تىرنالار...» قارالى جۇرتتى جۇباتقاي،

تۇياعىنان ايىرىلعان جارالى جۇرتتى جۇباتقاي...

0 پىكىر