بۇل تۋرالى قىرعىزستاننىڭ ەنەرگەتيكا ءمينيسترى دوسقۇل بەكمۇرزاەۆ حابارلادى. ونىڭ ايتۋىنشا، بۇنىڭ ىشكى قاجەتتىلىكتى قامتاماسىز ەتۋگە ەشقانداي اسەرى بولمايدى. يمپورتتى توقتاتۋعا ورتالىق ازيا بىرىككەن ەنەرگەتيكا جۇيەسىندەگى اپات سەبەپ بولعان. جۇيە جوندەلگەن سوڭ ەلەكتر ەنەرگياسىن يمپورتتاۋ قايتا جالعاسادى. 25 قاڭتاردا كۇندىز ورتالىق ازيا ەنەرگەتيكا جۇيەسىندە ءىرى اپات بولدى.
قىرعىزستاننىڭ بارلىق دەرلىك ءوڭىرى، قازاقستاننىڭ وڭتۇستىگى جانە وزبەكستاننىڭ شىعىس ايماقتارى بىرنەشە ساعات جارىقسىز وتىردى. اپاتتان سوڭ بۇل ەلدەر بىرىككەن جۇيەدەن اجىراپ، دەربەس جۇيەگە اۋىستى.
قىرعىزستان بيلىگى توقتوعۇل قويماسىنداعى سۋدى ۇنەمدەۋ ماقساتىندا 2021 جىلى قازاقستان، وزبەكستان جانە تۇركىمەنستاننان 2 ملرد كيلوۆاتت-ساعاتتان استام ەلەكتر ەنەرگياسىن يمپورتتادى. 2022 جىلى قىرعىزستان بۇدان كوپ ەلەكتر ەنەرگياسىن ساتىپ الادى. بىشكەك قازاقستانمەن، وزبەكستانمەن جانە تۇركىمەنستانمەن 3 ملرد كۆت/س ەلەكتر ەنەرگياسىن يمپورتتاۋعا كەلىسىپ قويدى.
Abai.kz
