قازاقپارات - «نۇر وتان» حدپ وبلىستىق بولىمشەسىنىڭ ءماجىلىس زالىندا ەلباسىمىز ن.نازارباەۆتىڭ «قازاقستاننىڭ الەۋمەتتىك جاڭعىرتىلۋى: جالپىعا ورتاق ەڭبەك قوعامىنا قاراي 20 قادام» اتتى باعدارلامالىق ماقالاسىن تالقىلاۋعا ارنالعان وتىرىس ءوتتى.

-ەڭبەك - الەمنىڭ ءامىرشىسى، - دەدى باسقوسۋدى اشقان وبلىستىق ارداگەرلەر كەڭەسىنىڭ توراعاسى مىرزاعالي مۇحامبەتوۆ - سوندىقتان باتىستىق «تۇتىنۋشىلىق» قوعامنىڭ «مۇراتتارىن» مانسۇق ەتكەن، جاسامپاز جانە ءوندىرىمدى ەڭبەك ۇستەم بولاتىن جالپىعا ورتاق قوعامدى الدىڭعى ورىنعا شىعارۋشى ەلباسى ماقالاسىنىڭ ماڭىزى ايرىقشا. دەمەك، ءومىردىڭ قاي سالاسىندا دا جاسامپاز ەڭبەك جوعارى تۇرۋى ءتيىس. وسى ماقالادا اتاپ كورسەتىلگەن ءومىردىڭ ساپاسىنىڭ جاقسارۋى دا تەك ادال ەڭبەككە بايلانىستى. ەگەر ءبارىمىز جۇمىلىپ ەڭبەك ەتسەك، ءومىر دە كورىكتى، جارلى-جاقىباي دا از، سودان تۋىندايتىن سان الۋان الەۋمەتتىك ماسەلەلەردىڭ تۋىنداماسى دا ءسوزسىز.

قازاقپارات - «نۇر وتان» حدپ وبلىستىق بولىمشەسىنىڭ ءماجىلىس زالىندا ەلباسىمىز ن.نازارباەۆتىڭ «قازاقستاننىڭ الەۋمەتتىك جاڭعىرتىلۋى: جالپىعا ورتاق ەڭبەك قوعامىنا قاراي 20 قادام» اتتى باعدارلامالىق ماقالاسىن تالقىلاۋعا ارنالعان وتىرىس ءوتتى.

-ەڭبەك - الەمنىڭ ءامىرشىسى، - دەدى باسقوسۋدى اشقان وبلىستىق ارداگەرلەر كەڭەسىنىڭ توراعاسى مىرزاعالي مۇحامبەتوۆ - سوندىقتان باتىستىق «تۇتىنۋشىلىق» قوعامنىڭ «مۇراتتارىن» مانسۇق ەتكەن، جاسامپاز جانە ءوندىرىمدى ەڭبەك ۇستەم بولاتىن جالپىعا ورتاق قوعامدى الدىڭعى ورىنعا شىعارۋشى ەلباسى ماقالاسىنىڭ ماڭىزى ايرىقشا. دەمەك، ءومىردىڭ قاي سالاسىندا دا جاسامپاز ەڭبەك جوعارى تۇرۋى ءتيىس. وسى ماقالادا اتاپ كورسەتىلگەن ءومىردىڭ ساپاسىنىڭ جاقسارۋى دا تەك ادال ەڭبەككە بايلانىستى. ەگەر ءبارىمىز جۇمىلىپ ەڭبەك ەتسەك، ءومىر دە كورىكتى، جارلى-جاقىباي دا از، سودان تۋىندايتىن سان الۋان الەۋمەتتىك ماسەلەلەردىڭ تۋىنداماسى دا ءسوزسىز.

-اتالمىش باعدارلامالىق ماقالانىڭ 9-تارماعىندا كاسىپوداقتارعا ورىندى سىن ايتىلعان. ارينە، ونى مويىندايمىز. ءبىر جاعىنان، بۇدان كوپ جىل بۇرىن قابىلدانعان، ابدەن ەسكىرگەن كاسىپوداقتار تۋرالى زاڭنىڭ دا كەرى اسەرى بار. قازىر جاڭا زاڭ دايار تۇر. قۇداي قالاسا، كەلەسى جىلى قابىلدانۋى ءتيىس. سونداي-اق جاسامپاز جانە ءونىمدى ەڭبەكتىڭ سالتانات قۇرۋىنا مۇمكىندىك بەرەتىن ۇشجاقتى الەۋمەتتىك كەلىسىمنىڭ (رەسمي بيلىك، كاسىپوداق، جۇمىس بەرۋشى) وڭىرىمىزدە جۇيەلى ورىندالۋىن قاداعالاپ، جەكەلەگەن ۇجىم باسشىلارىنىڭ ەسەبى تىڭدالىنىپ وتىرادى. بۇگىندە وبلىستا 59 مىڭ كاسىپوداق مۇشەسى 12 سالالىق ۇيىمعا بىرىككەن. كەلەسى جىلى قابىلداناتىن جاڭا زاڭ بويىنشا كاسىپوداق ۇيىمى كەز كەلگەن ەڭبەك ۇجىمىندا قۇرىلماق، - دەدى ءوز كەزەگىندە ءسوز العان وبلىستىق كاسىپوداقتار بىرلەستىگىنىڭ توراعاسى نۇربەرگەن بايەمەروۆ.

باسقوسۋدا ءسوز العان جازۋشى ەنگەلس عابباسوۆ، سوعىس جانە ەڭبەك ارداگەرلەرى قالام سۇيىنىشاليەۆ، عازيز حايمۋلدين جانە باسقالارى ەلباسىمىز ن.نازارباەۆتىڭ قوعامعا جول سىلتەيتىن باعدارلامالىق ماقالاسىنا بايلانىستى كوكەيىندە جۇرگەن وي-پىكىرلەرىمەن ءبولىستى.

باتىس قازاقستان ينجەنەرلىك-تەحنولوگيالىق ۋنيۆەرسيتەتىنىڭ ەكىنشى كۋرس ستۋدەنتى ەربول بايعاليەۆ بيىل ەڭبەك سەمەسترىنە قاتىسقانىن جانە ەسەلى جۇمىسىنىڭ ارقاسىندا 50 مىڭ تەڭگەدەن استام جالاقى العانىن ايتتى.