ۇكىمەت «وكم وپەراتورى» جشس-نىڭ قىزمەتىن توقتاتۋ تۋرالى قاۋلى قابىلدادى. بۇل تۋرالى پرەمەر-ءمينيستردىڭ رەسمي سايتى مالىمدەدى.

«وكم وپەراتورى» جشس-ءنىڭ ۋتيليزاتسيالىق الىمدى اكىمشىلەندىرۋ جانە ءتيىستى قاراجاتتاردى باسقارۋ شەڭبەرىندەگى قىزمەتى توقتاتىلدى. ۋتيليزاتسيالىق الىم قاراجاتى ەسەبىنەن قۇرىلعان اكتيۆتەر مەملەكەت مەنشىگىنە بەرىلدى. وندىرۋشىلەردىڭ كەڭەيتىلگەن مىندەتتەمەلەرىن اكىمشىلەندىرۋ فۋنكتسيالارىن مەملەكەتتىك ۇيىم – «جاسىل دامۋ» اق ورىندايتىن بولدى»،– دەپ جازدى ءباسپاسوز قىزمەتى.

وكم وپەراتورى تەتىگى جۇمىس ىستەگەن بەس جىل ىشىندە كادەگە جاراتۋ الىمىن تولەۋدىڭ جالپى سوماسى 579 ميلليارد تەڭگەدەن اسقان ەدى.

Abai.kz