الماتى اكىمى باقىتجان ساعىنتاەۆقا شابۋىل جاسالدى. بۇل مالىمەتتى ونىڭ ورىنباسارى ەرجان باباقۇماروۆ راستادى.

اكىم ورىنباسارىنىڭ ايتۋىنشا، وقيعا 6-قاڭتاردا بولعان. بۇل كەزدە ساعىنتاەۆ شۇعىل ارەكەت ەتۋ شتابىنان شىعىپ، اكىمدىككە بارا جاتقان. ەسكە سالايىق، ءدال وسى كۇنى شاھاردا جاپپاي تارتىپسىزدىكتەر مەن قاراقشىلىق قىزعان ەدى. سول كۇنى باقىتجان ساعىنتاەۆ وتىرعان اۆتوكولىك نازارباەۆ كوشەسىمەن سولتۇستىك باعىتتا ءجۇرىپ بارا جاتقان. جۇرگىزۋشى سولعا قاراي، ساتباەۆ كوشەسىنە جەتپەي، اكىمدىك عيماراتىنا بۇرىلا بەرگەندە اۆتوماتتان وق اتىلعان.

الماتى اكىمى وتىرعان كولىك وقيعا ورنىنان سىتىلىپ ۇلگەرگەن. ساعىنتاەۆ جاراقات الماعانى بەلگىلى بولدى.

الايدا، "الماتى" تەلەارناسىنىڭ جۇرگىزۋشىسىنە وق ءتيىپ، قازا بولعان. ونىڭ اۆتوكولىگى اكىمنىڭ كولىگىنىڭ سوڭىنان ءجۇرىپ كەلە جاتقانى بەلگىلى بولدى. اكىمدىكتىڭ تاعى ەكى قىزمەتكەرى جاراقات العان: سپورت باسقارماسىنىڭ باسشىسى رۋستام بايسەيىتوۆ پەن ءدىن ىستەرى باسقارماسىنىڭ باسشىسى نۇرلان كيكيموۆ. ولارعا وپەراتسيا جاسالعان، قازىرگى ۋاقىتتا جاعدايى تۇراقتى.

الماتىداعى جاپپاي تارتىپسىزدىك پەن توناۋ، بۇلىك جانە سودىرلىق سالدارىنان ونداعان ادام قازا تاپتى. بۇگىن ەلىمىزدە سوعان بايلانىستى ازا تۇتۋ كۇنى جاريالاندى.

Abai.kz