قر ەنەرگەتيكا ءمينيسترى ماعزۇم مىرزاعاليەۆ سۇيىتىلعان گاز باعاسىنىڭ نارىق رەتتەيتىن باعاسى قانشا بولۋ كەرەكتىگى تۋرالى پىكىر ءبىلدىردى. بۇل تۋرالى ول ورتالىق كوممۋنيكاتسيالار قىزمەتىندە وتكەن بريفينگىدە ايتتى.

«سۇيىتىلعان مۇناي گازىن تۇتىنۋدىڭ كولەمى 2021 جىلى كۇشەيدى. سەبەبى 2019 جىلدان بەرى سۇيىتىلعان گازعا وتكىزىلگەن اۆتوكولىكتەر سانى بيىل شامامەن 2 ەسە ءوستى. الەمدىك تاجىريبەدە سۇيىتىلعان گازدىڭ باعاسى مۇناي باعاسىمەن ءوزارا بايلانىستى. بەنزين باعاسىنىڭ 70% پايىزىن قۇرايدى. مىسالى رەتىندە، اي-92 ماركالى بەنزيننىڭ قۇنى ليترىنە 182 تەڭگە بولعان كەزدە گازدىڭ نارىقتىق قۇنى شامامەن ليترىنە 127 تەڭگەنى قۇراۋى ءتيىس»، - دەدى مينيستر.

ەسكە سالساق، مەملەكەت باسشىسى قاسىم-جومارت توقاەۆ Twitter-دەگى سۇيىتىلعان گاز باعاسىنان باستالعان پاراقشاسىندا جاڭاوزەندەگى جاعدايعا قاتىستى جازبا جاريالاعان بولاتىن.

«ۇكىمەتكە جاڭاوزەندەگى جاعدايدى ەكونوميكالىق تۇرعىدان ەسكەرىپ، قۇقىقتىق جاعىنان تەز ارادا قاراستىرۋدى تاپسىردىم. شەرۋگە شىققاندار قوعامدىق ءتارتىپتى بۇزباۋى ءتيىس. ازاماتتاردىڭ جەرگىلىكتى جانە ورتالىق بيلىك ورگاندارىنا تالابىن اشىق ايتۋعا قۇقىعى بار، بىراق، بۇل زاڭعا، ناقتىراق ايتقاندا، بەيبىت شەرۋلەر تۋرالى زاڭعا سايكەس جۇزەگە اسىرىلۋى كەرەك»، - دەلىنگەن جازبادا.

ال ماڭعىستاۋ وبلىسىنداعى جانارماي ستانسالارىنىڭ يەلەرى سۇيىتىلعان مۇناي گازىنىڭ قۇنىن ليترىنە 120 تەڭگەدەن 85-90 تەڭگەگە دەيىن تومەندەتۋ تۋرالى شەشىم قابىلداعانى حابارلاندى.

قر پارلامەنتى باعانىڭ ۇزاق مەرزىمدى تۇراقتىلىعىن قامتاماسىز ەتەتىنىن ايتىپ، حالىقتى سابىرعا شاقىردى.

Abai.kz