سىبايلاس جەمقورلىققا قارسى قىزمەت باسشىسى مارات احمەتجانوۆتىڭ ايتۋىنشا، ەلىمىزدە سوڭعى بەس جىل ىشىندە اۋىلشارۋاشىلىعىنا ارنالعان سۋبسيدياعا 2 ترلن تەڭگە بولىنگەن. وتاندىق ەت ونىمدەرىنە ىشكى سۇرانىستى قاناعاتتاندىرۋ ماقساتىندا، ەت ءوندىرىسىن دامىتۋعا 465 ملرد تەڭگە سۋبسيديا بولىنگەن.

بىراق، سۋبسيديا العان شەنەۋنىكتەرگە قاتىستى قىلمىستىق ىستەر توقتاعان ەمەس.

«ەگەر جالپى اۋىل شارۋاشىلىعى سالاسى بويىنشا 960 قىلمىس تىركەلگەن بولسا، ولاردىڭ جارتىسىنان استامى (54%) سۋبسيديا جىمقىرۋعا قاتىستى. جۇرگىزىلگەن تالداۋ بيۋدجەت قاراجاتىن باقىلاۋسىز پايدالانۋدىڭ ورەسكەل دەرەكتەرىن، كوپتەگەن سىبايلاس جەمقورلىق سحەمالارى مەن سۋبسيديانى ۇرلاۋ تاسىلدەرىن اشتى»، - دەدى احمەتجانوۆ.

قازىرگى تاڭدا انتيكور 62 قىلمىستىق ءىستى تەرگەپ جاتىر.

انتيكور  اۋىل شارۋاشىلىعى مينيسترلىگىنىڭ سۋبسيدياعا ارنالعان 13 بۇيرىعىنا سىبايلاس جەمقورلىقتى جوياعا ارنالعان 170 ۇسىنىس ەنگىزگەن.

سوعان قاراماستان ۇلتتىق اگرارلىق عىلىمي ورتالىقتىڭ بىرقاتار قىزمەتكەرلەرى جانۋارلاردى سايكەستەندىرۋ بازاسىنداعى دەرەكتەردى وزگەرتىپ، سىياقى الىپ وتىرعان.

«اقتوبە وبلىسىندا وسى ورتالىقتىڭ قىزمەتكەرى باسقاراتىن قىلمىستىق توپ انىقتالدى. ءتىنتۋ كەزىندە فەرمەرلەردىڭ ەتسق-سى بار 400-دەن استام فلەشكا مەن ولاردىڭ 300 ملن تەڭگەدەن استام كىرىس العانىن كورسەتەتىن قارا بۋحگالتەريا تابىلدى. جاعدايدى تالداۋ وسى باعدارلاما بويىنشا سۋبسيديالاردىڭ شامامەن جارتىسى، ياعني 40 ملرد-ى جەلگە كەتىپ قالعانىن ايتادى»، - دەيدى انتيكور باسشىسى.

Abai.kz