رەسەيدىڭ قورعانىس مينيسترلىگىنىڭ مالىمەتىنە قاراعاندا، مودەرنيزاتسيالانعان ت-72ب3م تانكتەرى جاڭا قوزعالتقىشتار، ءپاسسيۆتى جانە اكتيۆتى قورعانىس كومپلەكستەرى، سونىمەن بىرگە "اكۆەدۋك" بايلانىس جۇيەسى مەن كوپ كانالدى "سوسنا-ۋ" نىساناسىمەن جابدىقتالعان.
بيىل تامىزدا اۋعانستانداعى جاعدايعا بايلانىستى تاجىكستانداعى رەسەيدىڭ اسكەري بازاسىنا زىمىرانعا قارسى "كورنەت" دەپ اتالعان جاڭا كەشەندەر جەتكىزىلگەن.
وسىعان دەيىن رەسەيدىڭ ورتالىق اسكەري وكرۋگى تاجىكستانداعى بازاعا "ۆەربا" كوشپەلى زەنيتتىك-زىمىران كەشەندەر، "كالاشنيكوۆ" اك-12 اۆتوماتتارى مەن زاماناۋي سنايپەرلىك مىلتىقتار جىبەرىلگەنىن حابارلاعان.
تاجىكستان ايماعىندا رەسەيدىڭ سىرتتاعى ەڭ ءىرى اسكەري بازاسى ورنالاسقان. وندا 7,5 مىڭعا جۋىق اسكەري قىزمەتكەر بار. بۇل ەكى ەلدىڭ كەلىسىمى بويىنشا 2042 جىلعا دەيىن جۇمىس ىستەيدى.
Abai.kz
