قۇراننىڭ ءاربىر ارپىنە ون ساۋاپ جازادى دەگەن پايعامبارىمىز، ال قاسيەتتى رامازان ايىندا قۇران-كارىمدى ناماز ىشىندە قاتىم ەتۋدىڭ ءجونى ءبىر بولەك ەكەنى بەلگىلى. قازاقستان مۇسىلماندارى ءدىني باسقارماسىمەن، تۇركيا ءدىني ىستەر باسقارماسىنىڭ اراسىنداعى كەلىسىم-شارت بويىنشا قاسيەتتى رامازان ايىندا قۇراندى باستان اياق وقىپ، قاتىم ەتكەن قاريلارىمىزعا اللا رازى بولسىن. 114 سۇرە، 6666 ايات، 380005 ءارىپتىڭ بولعان ساۋاپتى، اللا تاعالادان قابىل بولۋىن تىلەپ دۇعا قىلعان سەمەي جۇرتشىلىعى، وكىل يمام ەرجان قاجىمەن بىرگە، ەلىمىزدىڭ ىرگەسى امان بولۋىن، تىنىشتىعىمىز تۇراقتى بولۋىن، بەرەكە-بىرلىگىمىز جاراسىپ، قۋاتتانا بەرۋدى ءناسىپ ەتسىن دەپ، اللاھ تاعالا ءار ءتۇرلى تابيعي اپاتتاردان، قاۋىپ-قاتەرلەردەن ساقتاسىن دەپ دۇعا ەتتى. ءدىنىمىز تۇرعىسىندا 30 پارا قۇران اۋدارىلعان جەردە بەرەكە بولادى دەگەن. وسى ماقساتتا ءار وبلىسقا قاريلاردىڭ كەلۋىن قامتاماسىز ەتىپ وتىرعان، ءدىنباسى ءابساتتار قاجى دەربىسالى حازرەتكە جاماعات العىستارىن ءبىلدىرىپ، باتالارىن جاۋدىردى.

سونىمەن قوسا، سەمەيلىك مۇسىلماندار بيىلعى رامازان ايىنىڭ قادىر كەشىن ەرەكشە وتكىزدى.  وكىل يمام تاراپىنان قالانىڭ بارلىق مەشىت يمامدارىنا، قادىر كەشىنە بايلانىستى الدىن-الا تاپسىرمالار بەرىلگەن. قادىر ءتۇننىڭ باعدارلاماسى تەلە ارنادان ءبىر جەتى بۇرىن حابارلاندى. سول سەبەپتەن قادىر ءتۇنىن قالالىق تۆك-6 ارناسى ارقىلى قارسى الاتىن كورەرمەنمەن، مەشىتكە كەلىپ قارسى الاتىن جاماعات اراسىندا ءبىر  بايلانىس ورنادى دەسەك ارتىق ايتقاندىق ەمەس.

قۇراننىڭ ءاربىر ارپىنە ون ساۋاپ جازادى دەگەن پايعامبارىمىز، ال قاسيەتتى رامازان ايىندا قۇران-كارىمدى ناماز ىشىندە قاتىم ەتۋدىڭ ءجونى ءبىر بولەك ەكەنى بەلگىلى. قازاقستان مۇسىلماندارى ءدىني باسقارماسىمەن، تۇركيا ءدىني ىستەر باسقارماسىنىڭ اراسىنداعى كەلىسىم-شارت بويىنشا قاسيەتتى رامازان ايىندا قۇراندى باستان اياق وقىپ، قاتىم ەتكەن قاريلارىمىزعا اللا رازى بولسىن. 114 سۇرە، 6666 ايات، 380005 ءارىپتىڭ بولعان ساۋاپتى، اللا تاعالادان قابىل بولۋىن تىلەپ دۇعا قىلعان سەمەي جۇرتشىلىعى، وكىل يمام ەرجان قاجىمەن بىرگە، ەلىمىزدىڭ ىرگەسى امان بولۋىن، تىنىشتىعىمىز تۇراقتى بولۋىن، بەرەكە-بىرلىگىمىز جاراسىپ، قۋاتتانا بەرۋدى ءناسىپ ەتسىن دەپ، اللاھ تاعالا ءار ءتۇرلى تابيعي اپاتتاردان، قاۋىپ-قاتەرلەردەن ساقتاسىن دەپ دۇعا ەتتى. ءدىنىمىز تۇرعىسىندا 30 پارا قۇران اۋدارىلعان جەردە بەرەكە بولادى دەگەن. وسى ماقساتتا ءار وبلىسقا قاريلاردىڭ كەلۋىن قامتاماسىز ەتىپ وتىرعان، ءدىنباسى ءابساتتار قاجى دەربىسالى حازرەتكە جاماعات العىستارىن ءبىلدىرىپ، باتالارىن جاۋدىردى.

سونىمەن قوسا، سەمەيلىك مۇسىلماندار بيىلعى رامازان ايىنىڭ قادىر كەشىن ەرەكشە وتكىزدى.  وكىل يمام تاراپىنان قالانىڭ بارلىق مەشىت يمامدارىنا، قادىر كەشىنە بايلانىستى الدىن-الا تاپسىرمالار بەرىلگەن. قادىر ءتۇننىڭ باعدارلاماسى تەلە ارنادان ءبىر جەتى بۇرىن حابارلاندى. سول سەبەپتەن قادىر ءتۇنىن قالالىق تۆك-6 ارناسى ارقىلى قارسى الاتىن كورەرمەنمەن، مەشىتكە كەلىپ قارسى الاتىن جاماعات اراسىندا ءبىر  بايلانىس ورنادى دەسەك ارتىق ايتقاندىق ەمەس.

مەشىتتە ءجۇرىپ جاتقان قادىر ءتۇننىڭ باعدارلاماسىن ۇيدە وتىرىپ تاماشالاۋعا، كورەرمەندەرگە بيىلعى جىلى ۇلكەن مۇمكىندىك جاسالدى. قادىر كەشىندەگى بالالار اراسىنان وتكەن قۇران جارىسى، بەرىلىپ جاتقان اۋىز اشار، ايتىلىپ جاتقان يمامداردىڭ ۋاعىز ناسيحاتى، جاماعاتتىڭ اراسىندا وتكىزىلگەن سۇراق-جاۋاپ سايىسى، بارلىعى كورەرمەن نازارىندا بولدى. ءتىپتى ارنا ارقىلى جاريالانعان ۆيدەو ساۋالدارمەن، سايت ارقىلى جولدانعان سۇراقتارعا ءدال ۋاقىتىندا وكىل يمام جاۋاپ بەرىپ وتىردى. سارەسىنىڭ دۇعاسىن جاساپ، ەفيردى جابۋ ءۇشىن ستۋدياعا بارعان وكىل يمام وسىنداي ساۋاپتى ىسكە ات سالىسىپ، حالىققا مۇمكىنشىلىك تۋدىرعان تۆك-6 تەلە ارناسىنىڭ باسشىلىعىمەن، شىعارماشىلىق ۇجىمىنا تابىس تىلەدى.

ەرجان قاجى تىكەلەي ەفير ارقىلى بارشا مۇسىلمان قاۋىمىن رامازان ايىندا ۇستاعان ورازالارىڭىز، قادىر تۇنىندەگى تىلەگەن تىلەكتەرىڭىز قابىل بولىپ، كەلەسى جىلدىڭ ورازاسىن امان-ەسەن كورۋدى ءناسىپ ەتسىن دەگەن تىلەكتەستىك ءسوزىن جەتكىزدى.

كامالجان تۇردىباەۆ

سەمەي ايماقتىق ورتالىق مەشىتىنىڭ ءباسپاسوز قىزمەتى