الماتى وبلىسىنىڭ اۋماعىندا جىلىتۋ كەزەڭىنىڭ باسىنان باستاپ وبلىس اۋماعىندا 124 ءورت ورىن الىپ، 3 ادام قازا بولعان. ول كوبىنە تۇرعىنداردىڭ ءورت قاۋىپسىزدىك ەرەجەلەرىن ساقتاماۋىنان تۋىندايدى. بۇل تۋرالى «Jetisy Media» الاڭىندا وتكەن ءباسپاسوز ءماسليحاتى بارىسىندا بەلگىلى بولدى.

2021-2022 ج. ج. جىلىتۋ كەزەڭىنىڭ باسىنان باستاپ ءورت قاۋىپسىزدىگى ەرەجەلەرىن بۇزۋ سەبەبىنەن قاتتى وتىنمەن جۇمىس ىستەيتىن پەشتى پايدالانۋ كەزىندە 2 ءورت تىركەلگەن، بۇل تۇرعىن ءۇي سەكتورىنداعى ورتتەردىڭ جالپى سانىنىڭ 1,8% - ىن قۇرايدى.

الماتى وبلىسىنىڭ اۋماعىندا حالىقتىڭ الەۋمەتتىك وسال توپتارىنىڭ 13 953 وتباسى بار، ونىڭ ىشىندە اتاۋلى كومەككە مۇقتاج 6199 كوپ بالالى وتباسى، 4683 از قامتىلعان وتباسى، 1748 جالعىزىلىكتى مۇگەدەك جانە 1323 جالعىزىلىكتى زەينەتكەرلىك جاستاعى ادامدار.

حالىقتىڭ الەۋمەتتىك وسال توپتارىنىڭ وتباسىلارىن قولداۋ ماقساتىندا وبلىس اكىمدىگى 2019-2020 جىلدارى 24 مىڭ 524 ۋلى گازدى انىقتاۋ داتچيكتەرىن ساتىپ الىپ، ورناتتى.

«بۇگىنگى كۇنى حالىقتىڭ الەۋمەتتىك وسال توپتارىنىڭ 13 953 ءۇيى قامتىلدى، ونىڭ بارىسىندا 23 903 ازاماتقا نۇسقاۋ بەرىلدى. ۇيلەردى ارالاۋ بارىسىندا 1576 بۇزۋشىلىق انىقتالدى، ونىڭ ىشىندە 1 371 تۇرعىندارمەن ءوز بەتىنشە جويىلدى، ياعني 86% بۇزۋشىلىقتار جويىلعان، ءوز كەزەگىندە بۇل بۇزۋشىلىقتاردى ءوز بەتىنشە جويعان ازاماتتار، مۇمكىن وزىمەن قوسا جاقىن ادامدارىنىڭ ءومىرىن ساقتاپ قالدى، قالعان ۇيلەردەگى بۇزۋشىلىقتاردى جەرگىلىكتى اتقارۋشى ورگاندار مەن ەرىكتىلەر ۇيىمدارمەن بىرلەسىپ ادرەستىك كومەك كورسەتۋ جوسپارلانۋدا»، - دەدى الماتى وبلىسى توتەنشە جاعدايلر دەپارتامەنتى مەملەكەتتىك ءورت باقىلاۋ باسقارماسى باستىعىنىڭ ورىنباسارى مانات بەكسۇلتانۇلى.

جالعىز باستى قارت زەينەتكەرلەر مەن مۇمكىندىگى شەكتەۋلى ادامداردىڭ ۇيلەرىندە پەشتەردىڭ السىزدىگىنە بايلانىستى ولاردى پايدالانۋ جانە جابدىقتاۋ كەزىندە ءورت قاۋىپسىزدىگى ەرەجەلەرىن بىرقاتار بۇزۋشىلىقتار بار ەكەنىن اتاپ وتكىم كەلەدى، تۇتىندىكتەر كۇيەدەن ۋاقتىلى تازارتىلمايدى، پەشتەرگە جوندەۋ جۇرگىزىلمەيدى، جارىقتار سىلانبايدى،-دەيدى ماماندار.

بۇگىنگى كۇنى اۋداندار مەن قالالاردىڭ اكىمدىكتەرىمەن بىرلەسىپ قاجەتتىلىك نورمالارى انىقتالدى، حالىقتىڭ الەۋمەتتىك وسال توپتارىنىڭ ۇيلەرىندە تابيعي گازدىڭ شىعۋىن انىقتايتىن قوسىمشا 1464 بىرلىك ءورت اۆتونومدى حابارلاعىشتارىن جانە 831 بىرلىك داتچيكتەردى ورناتۋ بويىنشا وبلىستىق بيۋدجەتتەن 5 ملن.298 مىڭ تەڭگە بولىنگەن.

Abai.kz