كەربۇلاق اۋدانىنىڭ سىرىوزەك اۋىلىنداعى وقيعانىڭ بەينەجازباسى الەۋمەتتىك جەلىلەردە تاراپ كەتتى.

بۇعان دەيىن الماتى وبلىسىنىڭ تۇرعىنى كومىر تاپشىلىعىنان جۇك تيەگىشتىڭ كوتەرگىشىنە ءمىنىپ العانىن حابارلاعان بولاتىنبىز.

كەربۇلاق اۋدانىنىڭ اكىمدىگى بۇل جاعدايعا قاتىستى تۇسىنىكتەمە بەردى.

- حالىقتان دۇرلىكپەۋلەرىن سۇرايمىز. ءيا، ينتەرنەتتە ايەلدىڭ جۇك تيەگىش كولىكتىڭ كوتەرگىشىنە ءمىنىپ العان بەينەسى تارادى. مۇنىڭ ءبارى ارانداتۋشىلىق بولدى. بۇگىنگى تاڭدا كەربۇلاق اۋدانىنىڭ تۇرعىندارىنا كومىر ساتۋدى 2 تۇيىق جۇزەگە اسىرادى: جك "سانچەز" (شۇباركول), جشس "ساۋداكومىر" (قاراجىرا). قازان ايىندا سارىوزەك بەكەتىنە 42 ۆاگون جەتكىزىلدى. بۇگىندە سارىوزەك ستانتسياسىندا 10 ۆاگون بار. بارلىعى كەزەكتى ساقتاۋ ارقىلى جۇزەگە اسىرىلۋدا، - دەپ اتاپ ءوتتى كەربۇلاق اۋدانىنىڭ اكىمى عالياسقار سارىباەۆ.

ايتا كەتەيىك، كەربۇلاق اۋدانىنىڭ تۇرعىندارىنا جىلۋ بەرۋ ماۋسىمىنا كومىر قاجەتتىلىگى 74 مىڭ توننانى قۇرايدى، ونىڭ ىشىندە 52,8 مىڭ تونناسى نەمەسە 71% ساتىلدى.

مالىمەتكە سۇيەنسەك، الماتى وبلىسىندا تاۋلىگىنە ورتاشا ەسەپپەن 90 ۆاگون كومىر تۇسەدى. بۇگىنگى تاڭدا 926,3 مىڭ توننا، ياعني 68% قاتتى وتىن ساتىلدى، قويمالاردا جازعى كەزەڭنەن قالعان قالدىق 13,3 مىڭ توننانى قۇرايدى.

وڭىردە 77 كومىر تۇيىعى مەن قويماسى بار، ونىڭ ىشىندە 50 تۇيىق، 27 قويما جانە رايىمبەك اۋدانىندا "ويقاراعاي" كومىر رازرەزى بار. وبلىس بويىنشا كومىردىڭ ورتاشا باعاسى 14-14,5 مىڭ تەڭگەنى قۇرايدى. تەمىرجول قاتىناسى جوق وڭىرلەردە كومىر جاقىن ماڭداعى تۇيىقتاردان اۆتوكولىكتەرمەن جەتكىزىلەدى، بۇل جەتكىزىلەتىن كومىردىڭ باعاسىنا دا اسەر ەتەدى. مۇنداي وڭىرلەردە جەتكىزۋ قىزمەتىن ەسەپكە الماعاندا باعا 19-20 مىڭ تەڭگەگە دەيىن بارادى.

اۋداندار مەن قالالاردىڭ اكىمدىكتەرى جاز مەزگىلىندە تۇراقتى نەگىزدە قاتتى وتىندى الدىن الا ساتىپ الۋ قاجەتتىلىگى تۋرالى ءتۇسىندىرۋ جۇمىستارىن جۇرگىزدى.

وسىلايشا، اۋا-رايىنىڭ ناشارلاۋىمەن وبلىستىڭ كومىر قويمالارى مەن تۇيىقتارىنا ساتىپ الۋشىلاردىڭ اعىنى باستالدى جانە تيىسىنشە وسى جەتكىزىلەتىن كولەم قاتتى وتىن ساتىپ العىسى كەلەتىندەردىڭ بارلىعىنىڭ سۇرانىسىن ءبىر مەزەتتە قاناعاتتاندىرۋ ءۇشىن جەتكىلىكسىز بولدى، بۇل كومىردىڭ جاساندى "تاپشىلىعىنا" الىپ كەلدى.

كومىر تاپشىلىعىن بولدىرماۋ ماقساتىندا كومىردى جەتكىزۋ جوسپارلارى جاسالدى. كۇن سايىن "قتج - جۇك تاسىمالدارى" اق-مەن بىرلەسىپ، بپ الماتى بولىمشەسى كومىر رازرەزدەرىنەن كومىردى تيەۋگە جانە ولاردىڭ تۇيىقتاردا بولۋىنا مونيتورينگ جۇرگىزەدى.تۇرعىندار اراسىندا ءتۇسىندىرۋ جۇمىستارى جۇرگىزىلىپ، تەمىر جول قاتىناسى جوق اۋداندارعا اۆتوكولىكتەرمەن كومىر جەتكىزۋ ۇيىمداستىرىلدى. كومىر باعاسىنىڭ نەگىزسىز كوتەرىلۋىنە جول بەرمەۋگە ەرەكشە كوڭىل بولىنەدى.

Abai.kz