مەملەكەت باسشىسىنىڭ جارلىعىمەن اماندىق عابباسۇلى باتالوۆ الماتى وبلىسىنىڭ اكىمى لاۋازىمىنان بوساتىلدى.

اقوردا رەسمي تۇردە "قانات الدابەرگەنۇلى بوزىمباەۆ الماتى وبلىسىنىڭ اكىمى بولىپ تاعايىندالسىن، ول قازاقستان رەسپۋبليكاسى پرەزيدەنتىنىڭ كومەكشىسى لاۋازىمىنان بوساتىلسىن" دەگەن حابارلاما تاراتتى.

قانات بوزىمباەۆ 1969 جىلى الماتى قالاسىندا دۇنيەگە كەلگەن. 1993 جىلى قازاق مەملەكەتتىك باسقارۋ اكادەمياسىن ەكونوميست ماماندىعى بويىنشا تامامداعان.

ەڭبەك جولىن 1993 جىلى «ەدەم لتد» جاۋاپكەرشىلىگى شەكتەۋلى سەرىكتەستىگىندە ەكونوميست بولىپ باستاعان. 1994-1997 جىلدارى الماتى قالاسى اكىمىنىڭ كومەكشىسى، 1997 جىلى «الماز جانە كومپانيا» كومپانياسىنىڭ ەكونوميكالىق ماسەلەلەر جونىندەگى ديرەكتورى، قازاقستان رەسپۋبليكاسى ەكونوميكا جانە ساۋدا مينيسترلىگىنىڭ وڭىرلىك ساياسات ءبولىمىنىڭ باسشىسى، 1997-1998 جىلدارى «مۇناي تاسىمالداۋ جونىندەگى «قازترانسويل» ۇلتتىق كومپانياسى» جابىق اكتسيونەرلىك قوعامىنىڭ جيىنتىق-قارجىلىق دەپارتامەنتىنىڭ باستىعى، ەكونوميكالىق ماسەلەلەر بويىنشا ۆيتسە-پرەزيدەنتى، 1998-2000 جىلدار ارالىعىندا قازاقستان رەسپۋبليكاسى ەنەرگەتيكا، يندۋستريا جانە ساۋدا مينيسترلىگىنىڭ مۇناي جانە گاز دەپارتامەنتىنىڭ باسشىسى، قازاقستان رەسپۋبليكاسىنىڭ ەنەرگەتيكا، يندۋستريا جانە ساۋدا ۆيتسە-ءمينيسترى. «KEGOC» اشىق اكتسيونەرلىك قوعامىنىڭ ءبىرىنشى ۆيتسە-پرەزيدەنتى، «KEGOC» اشىق اكتسيونەرلىك قوعامىنىڭ پرەزيدەنتى، «مەملەكەتتىك اكتيۆتەردى باسقارۋ جونىندەگى «سامۇرىق» حولدينگى» اكتسيونەرلىك قوعامىنىڭ باسقارما توراعاسى، «KEGOC» اكتسيونەرلىك قوعامىنىڭ باسقارما توراعاسى، 2009-2013 جىلدار ارالىعىندا جامبىل وبلىسىنىڭ اكىمى، 2013-2016 جىلدار ارالىعىندا پاۆلودار وبلىسىنىڭ اكىمى، 2016-2019 جىلدار ارالىعىندا قازاقستان رەسپۋبليكاسىنىڭ ەنەرگەتيكا ءمينيسترى قىزمەتتەرىن اتقارعان.

2019 جىلدىڭ 18 جەلتوقسانىندا مەملەكەت باسشىسىنىڭ جارلىعىمەن قازاقستان رەسپۋبليكاسى پرەزيدەنتىنىڭ كومەكشىسى بولىپ تاعايىندالعان. قازاق، ورىس، اعىلشىن تىلدەرىنە جەتىك.

Abai.kz