نۇر-سۇلتان قالاسىنىڭ تەرگەۋ سوتىنىڭ سۋدياسى اقمارال يساەۆا بۇرىنعى دەنساۋلىق ساقتاۋ ءمينيسترى ەلجان ءبىرتانوۆتىڭ ۇيقاماق مەرزىمىن تاعى ەكى ايعا – 14  قاڭتارعا دەيىن ۇزارتتى. 

ءبىرتانوۆتىڭ ءوزى جانە ونىڭ قورعاۋشىلارى ەكس-ءمينيستردىڭ شەتەلدە بوي تاسالايتىن ويى جوعىن، تەرگەۋ ورگاندارىنا قىسىم جاسامايتىنىن العا تارتىپ، ۇيقاماقتى الىپ تاستاۋدى وتىنگەن. الايدا سۋديا ايىپتاۋ تارابىنىڭ ۇيقاماق مەرزىمىن ۇزارتۋ تۋرالى ءوتىنىش قاناعاتتاندىرۋدى ءجون دەپ تاپتى. ءۇي قاماۋىنا الىنعانىمەن، سوت كۇدىكتىنىڭ بالا-شاعاسى بارىن جانە ولاردى اسىراۋ كەرەگىن ەسكەرە وتىرىپ، وعان جۇمىس ىستەۋگە رۇقسات بەردى. قازىر ءبىرتانوۆ «ەمدەۋ گرۋپپ» جەكەمەنشىك كومپانياسىنىڭ ديرەكتورى قىزمەتىن اتقارادى. ءبىرتانوۆ ءبىر جىلدان استام ۋاقىت ۇيقاماقتا وتىر، دەگەنمەن قىلمىستىق ءىس بويىنشا باستى سوت تالقىلاۋى ءالى باستالعان جوق. تەرگەۋ امالدارى 7 شىلدەدە اياقتالعان، ىستە 133 توم مەن 20 جاشىك زاتتاي ايعاق بار. تەرگەۋشىلەردىڭ بولجامىنشا، ءبىرتانوۆ پەن ونىڭ ورىنباسارى ولجاس ابىشەۆ جارامسىز اقپاراتتاندىرۋ پلاتفورماسىن قابىلداپ، مەملەكەتكە 1,5 ملرد تەڭگە شىعىن كەلتىرگەن.  بىراق ەكس-مينيستر وزىنە تاعىلعان ايىپتى مويىنداعان جوق.

دەرەككوزى: Malim.kz

Abai.kz