وسىدان شيرەك عاسىرعا جۋىق ۋاقىت بۇرىن سايىن دالا سارىارقا توسىندە وركەندەۋ داۋىرىندەگى قازاقستاننىڭ ورتالىعى، وتانىمىزدىڭ جاڭا ەلورداسى – استانا (نۇر-سۇلتان) بوي تۇزەدى. جاڭا ەلوردا سالۋ باستاماسىن العاش قازاقستاننىڭ تۇڭعىش پرەزيدەنتى، ەلباسى نقرسۇلتان نازارباەۆ كوتەرگەنى بارشاعا ءمالىم. سول قۇرمەتپەن، 2019 جىلى قازاقستان پرەزيدەنتى قاسىم-جومارت توقاەۆ ەل استاناسىنا ەلباسىنىڭ ەسىمىن بەرۋ تۋرالى باستاما كوتەردى. بۇل شەشىم ءبىراۋىزدان ماقۇلداندى. استانا اتاۋىن وزگەرتۋ يدەياسىن پارلامەنت تە، جەرگىلىكتى ءماسليحات تا قولدادى.

ەل استاناسىن ارقا توسىنە كوشىرۋ تۋرالى باستاما ەلباسى نۇرسۇلتان ءابىشۇلىنا تيەسىلى ەكەنىن ايتتىق. 90-شى جىلداردىڭ ورتا شەنى. بۇل يدەيانىڭ جۋىق ارادا جۇزەگە اساتىنىنا سەنۋشىلەر كوپ بولا قويعان جوق. كوپتىڭ كوڭىلىندى كۇمان باسىم بولدى. بىراق، ولاردىڭ قاتەلەسكەنىن ۋاقىت دالەلدەدى.
استانا ەڭ قىسقا مەرزىم ىشىندە سالىندى. بۇگىنگە حالقىنىڭ سانى ميلليونان اساتىن قازاقستانداعى ەكىنشى ءىرى مەگاپوليسكە، بۇكىل ەلىمىزدىڭ قارقىندى، قارىشتى دامۋىنىڭ نىشانىنا اينالدى.

قالانىڭ باس ساۋلەتكەرى – شىن مانىندە نۇرسۇلتان نازارباەۆ بولىپ سانالادى. ەۋرازيا جۇرەگىندە ورنالاسقان نۇر-سۇلتان ەلباسىنىڭ يدەياسى مەن ۇسىنىستارىنىڭ ارقاسىندا باتىس پەن شىعىس مادەنيەتتەرىن توعىستىرعان كوركى كوز تارتار بىرىگەي كەلبەتكە يە بولدى.

اشەكەيلى قالانىڭ كوپتەگەن اينەكتى ءزاۋلىم عيماراتتارى مەن ەسكەرتكىشتەرى كەزىندە ەلباسىنىڭ سۋرەت، سىزبا تۇرىندە تۇسىرگەن ويلارىنان الىنعانى بەلگىلى. دۇنيە حالقىنا اتى ءماشھۇر كيسە كۋروكاۆا، سەر نورمانن فوستەر، كەنزو تانگە ت.ب. ساۋكەتكەرلەر ەلباسى نۇرسۇلتان نازارباەۆتىڭ سول ءبىر ويلارىن ءىس جۇزىندە شىندىققا اينالدىرا ءبىلدى.

سول ءزاۋلىم-ءزاۋلىم عيماراتتاردىڭ باسىم كوپشىلىگى ەلوردانىڭ ەڭ كورنەكى ورىندارى مەن قالانىڭ وزىندىك رامىزدەرىنە اينالدى.

Abai.kz