قىتايدىڭ مەملەكەتتىك دەنساۋلىق ساقتاۋ كوميتەتى سەيسەنبىدە COVID-19 ينفەكتسياسىنىڭ 93 جاڭا جاعدايى انىقتالعانىن حابارلادى. ولاردىڭ 35-ءى حەيحە قالاسىندا تىركەلگەن.

دۇيسەنبىدە قىتايدىڭ مەملەكەتتىك دەنساۋلىق ساقتاۋ كوميتەتىنىڭ مالىمەتى بويىنشا وتكەن اپتانىڭ جەكسەنبىسىندە – 59, سەنبىدە – 48 ادام اۋرۋ جۇقتىرعان. قىتايدا 17-قازاننان باستاپ كوروناۆيرۋس قايتا ءورشىدى. ەلدىڭ گانسۋ، حەيلۋنتسزيان پروۆينتسيالارى جانە ىشكى موڭعوليا اۆتونوميالىق ايماعىندا ۆيرۋس تارالۋ قارقىنى ارتتى. بەيجىڭ شەكتەۋ شارالارىن كۇشەيتىپ جاتىر.

حالىقتىڭ كوشى-قونىن تەجەۋ ​​شارالارى جۇرگىزىلۋدە. سارسەنبى كۇنى تاڭەرتەڭ بەيجىڭ داسين اۋەجايىندا بۇرىن جوسپارلانعان رەيستەردىڭ 60%-دان استامى توقتاتىلدى. پاندەميا باستالعاننان بەرى قىتايدا 97 423 كوروناۆيرۋس ينفەكتسياسى تىركەلدى، 4 636 ادام قايتىس بولدى، 91 787 ادام ساۋىعىپ شىققان.

Abai.kz