قر اقپارات جانە قوعامدىق دامۋ مينيسترلىگى Facebook كومپانياسىمەن ورتاق كەلىسىمگە كەلدى. 

وسىلايشا قازاقستان ورتالىق ازيادا كونتەنتتىك ساياساتقا جاۋاپ بەرەتىن Facebook كومپانياسىنىڭ حالىقارالىق كومانداسىمەن تىكەلەي بايلانىس ارناسىنا جانە جۇيەگە قوسىلعان العاشقى ەل بولىپ تابىلدى.

"Facebook قازاقستان ۇكىمەتىمەن، اسىرەسە بالالاردىڭ ينتەرنەتتەگى قاۋىپسىزدىگىن قامتاماسىز ەتۋ باعىتىندا بىرلەسكەن جۇمىسقا ۇمتىلادى. ءبىزدىڭ ۇزاق مەرزىمدى ىنتىماقتاستىعىمىزدىڭ العاشقى قادامى رەتىندە ءبىز قازاقستان ۇكىمەتىنە ۋاكىلەتتى ورگاندارعا زياندى كونتەنتپەن نەعۇرلىم ءتيىمدى جانە پارمەندى كۇرەسۋگە كومەكتەسەتىن "كونتەنتتى حابارلاۋ جۇيەسىنە" قول جەتكىزۋگە قۋانىشتىمىز. Facebook كومانداسى كيبەركەڭىستىكتىڭ قاۋىپسىزدىگىن قامتاماسىز ەتۋ ماقساتىندا قازاقستاندىق مامانداردى وقىتۋدى جالعاستىرادى", - دەدى Facebook كومپانياسىنىڭ جۇرتشىلىقپەن بايلانىس جونىندەگى وڭىرلىك ديرەكتورى دجوردج چەن.

28-قازاندا Facebook كومانداسى مينيسترلىكتىڭ ماماندارىنا "كونتەنتتى حابارلاۋ جۇيەسىن", سونداي-اق Facebook كونتەنتتىك ساياساتى جانە قوعامداستىق ستاندارتتارى بويىنشا جۇمىس بويىنشا ترەنينگ وتكىزدى. قاراشا ايىنىڭ باسىنان باستاپ مينيسترلىك جۇيەدە جۇمىس ىستەي باستايدى.

ەكى تاراپ ءوزارا ءىس-قيمىلدىڭ تۇراقتى تەتىگىن بەلگىلەۋگە، ونىڭ ىشىندە مينيسترلىكپەن ءتۇرلى اسپەكتىلەر بويىنشا تىعىز جۇمىس ىستەيتىن Facebook وڭىرلىك وفيسىنەن ۋاكىلەتتى وكىلدى انىقتاۋ تۋرالى كەلىسىمگە كەلدى.

"كونتەنت حابارلاما جۇيەسىن" پايدالانۋ Facebook جانە Instagram پلاتفورمالارىندا قۇقىققا قارسى كونتەنتتىڭ تارالۋىنا قارسى ءىس-قيمىل بويىنشا جۇرگىزىلىپ جاتقان جۇمىستىڭ جەدەلدىگىن جانە جالپى تيىمدىلىگىن ارتتىرۋعا مۇمكىندىك بەرەدى. وسى مۇمكىندىكتى پايدالانا وتىرىپ، قاۋىپسىز اقپاراتتىق كەڭىستىكتى قۇرۋ باعىتىندا جۇرگىزىلىپ جاتقان باعىتتى ۇستاناتىنىن جانە قازاقستان حالقىنا ءوز قىزمەتتەرىن ۇسىناتىن ينتەرنەت-كومپانيالارمەن سىندارلى ديالوگ قۇرۋعا جانە ىنتىماقتاستىق ورناتۋعا دايىن", - دەپ قورىتىندىلادى مينيسترلىك.

Abai.kz