قازاقستاندا 20 قازاننان باستاپ كارانتيندىك شەكتەۋلەر جەڭىلدەيدى. بۇل تۋرالى دەنساۋلىق ساقتاۋ ءمينيسترى الەكسەي تسوي جەتكىزدى. 

تسوي ەپيدەميولوگيالىق احۋالدىڭ تۇراقتانعانىن جانە ۆاكتسينالاۋعا جاتاتىن حالىقتىڭ 70%-تەن استامىنىڭ ەكپە العانىن حابارلادى. بۇل 2021 جىلدىڭ 20 قازانىنان باستاپ كارانتيندى جەڭىلدەتۋ تۋرالى شەشىم قابىلداۋعا نەگىز بولعان.

اتاپ ايتقاندا، مەديتسينالىق-الەۋمەتتىك نىسانداردىڭ (قارتتار مەن مۇگەدەكتەر ءۇيى، بالالار ءۇيى جانە تاعى باسقا) پاتسيەنتتەرىنە بارۋعا رۇقسات ەتىلەدى. ول ءۇشىن ۆاكتسينانىڭ ەكى دوزاسىن العانى تۋرالى قۇجات نەمەسە مەرزىمى 3 تاۋلىكتەن اسپاعان تەرىس ناتيجەلى پتر-انىقتاما كورسەتۋ كەرەك.

سونداي-اق تەك «جاسىل» ستاتۋسى بار ادامدار ءۇشىن تۇنگى كلۋبتاردىڭ جۇمىسى جاندانادى. بىراق ادام سانى 50 پايىزدان اسپاۋعا ءتيىس:

«جاسىل» ايماقتا 100 ادامنان;
«سارى» ايماقتا – 70 ادامنان;
«قىزىل» ايماقتا 50 ادامنان كوپ ەمەس.
بۇدان بولەك، ASHYQ جوباسىنا قاتىساتىن بيزنەس نىساندارىنىڭ جۇمىس ۋاقىتى ۇزارتىلادى:

«جاسىل» ايماقتا ساعات 03.00-گە دەيىن، جوبا ليدەرلەرى ءۇشىن – 05.00-گە دەيىن;
«سارى» ايماقتا 01.00-گە دەيىن، جوبا ليدەرلەرى ءۇشىن – 03.00-گە دەيىن.

Abai.kz