جاقىن ارادا ەكس-پرەزيدەنت ن.نازارباەۆ تۋرالى “شتريحي ك پورترەتۋ” دەرەكتى ءفيلمىنىڭ كەزەكتى ءبولىمى جارىققا شىعادى. بۇل تۋرالى Dalanews.kz مالىمدەدى.

“اعىنان جارىلۋ” دەپ اتالاتىن بولىمدە نازارباەۆ ەل باسقارعان كەزەڭدە اعاتتىق جىبەرىپ، قاتەلىك جاساعىنا قىنجىلادى.

دەرەكتى ءفيلمنىڭ ءۇزىندىسىن ەلباسىنىڭ ءباسپاسوز حاتشىسى ايدوس ۇكىباي تۆيتتەردە جاريالادى.

ۇكىبايدىڭ اتاپ وتكەنىندەي نازارباەۆ حالىقتان كەشىرىم سۇراعان.

“قازىر ەشكىمگە ايتپاعان ءبىر قۇپيامدى جاريا ەتەيىن. سەن ءۇشىن ءۇشىن بۇل توسىن جاڭالىق بولسىن. مەنى كەشىرۋدى سۇرايمىن. ماعان وتە قيىن. جۇرەك جۇتقان، ەشكىمنەن قايمىقپايتىن ادام جوق بۇل جالعاندا…”، – دەيدى نازارباەۆ باستان كەشكەن قيىندىقتاردى ەسكە الا وتىرىپ.

بۇدان بولەك ەكس-پرەزيدەنت ادەتتەگىدەي قۋعىنداعى بانكير مۇحتار ابليازوۆكە توقتالىپ، ونىڭ ساتقىندىعىن ءسوز ەتەدى. سونىمەن قاتار “ورىس جەرى” اتتى پسەۆدومەملەكەت قۇرماقشى بوپ شىعىس قازاقستان وبلىسىنىڭ اكىمدىگىنە شابۋىلداعان سەپاراتيستەردى ەسكە العان.

وسى سۇحباتىندا ەلباسى قىرعىزستانداعى توڭكەرىس تۇسىندا اسقار اقاەۆ پەن قۇرمانبەك باكيەۆتى ەل كوزىنەن تاسالاپ، ۇشاقپەن الىپ شىققان كەزدى اڭگىمەلەگەن.

نازارباەۆتىڭ ورىس شوۆينيستەرى ۇيىمداستىرعان شقو-داعى بۇلىككە توقتالعانى كرەملدىڭ نازارىنان تىس قالماعان ەكەن.

“1999 جىلى قازاقستاننىڭ كۇش قۇرىلىمدارى ەلدەگى ءورىستىلدى اۋديتوريانى مەملەكەتكە قارسى قويماق بولدى، ءۇي ىشىنەن ءۇي تىگىپ، سەپاراتيزمدى قوزدىردى دەگەن ايىپپەن 22 ادامدى (ونىڭ 12-ءسى رەسەيلىكتەر) قاماۋعا الدى.

بۇلىكتىڭ باسى-قاسىندا جۇرگەن پۋگاچەۆ دەگەن لاقاپ اتى بار ۆيكتور كازيميرچۋك 7 جىلعا سوتتالىپ، 2006 جىلى بوساپ شىقتى. بىلتىر “قازىرگى قازاق جەرى رەسەي سىيعا تارتقان اۋماقتان تۇرادى دەپ” مالىمدەگەن دۋما دەپۋتاتى نيكونوۆتىڭ ءسوزى ديپلوماتيالىق داۋعا ۇلاستى…”، – دەپ جازادى “موسكوۆسكي كومسومولەتس”.

Abai.kz