قىرعىزستانىنىڭ ءبىلىم جانە عىلىم مينيسترلىگى ەلدە شامامەن 670 مەكتەپ جەتىسپەيدى دەپ مالىمدەدى. مينيسترلىكتىڭ مالىمەتىنشە رەسپۋبليكادا 2296 وقۋ ورنى بار، ونىڭ ىشىندە 152 جەكەمەنشىك (وندا 38 مىڭ وقۋشى وقيدى نەمەسە ەلدەگى بارلىق مەكتەپ وقۋشىلارىنىڭ شامامەن 3 پايىزى).

سونىمەن بىرگە 245 مەملەكەتتىك مەكتەپ اپاتتى جاعدايدا. ولاردى جوندەۋگە كەلمەيدى، تەك بۇزۋدى جانە جاڭا قۇرىلىستى قاجەت ەتەدى. اپاتتى مەكتەپتەردە ءبىلىم الۋ وقۋشىلاردىڭ ءومىرى مەن دەنساۋلىعىنا قاۋىپ توندىرەدى. تاعى 457 مەكتەپتىڭ توبەسى، ىرگەتاسى، قابىرعاسى، سۋ قۇبىرى مەن كارىز جۇيەسىنە كۇردەلى جوندەۋ قاجەت.

كوپتەگەن ءبىلىم بەرۋ مەكەمەلەرى لىق تولى. بۇگىندە 151 مەكتەپ ءۇش اۋىسىمدا جۇمىس جاسايدى. بىشكەكتەگى توقسان ءبىلىم بەرۋ مەكەمەسى 75 مىڭ وقۋشىعا ەسەپتەلگەن، بىراق ولاردا 170 مىڭ بالا وقيدى.

مەكتەپتەردىڭ تورتتەن ءبىرى تازا اۋىز سۋمەن قامتاماسىز ەتىلمەگەن، 74 پايىزىندا ىشكى دارەتحانا جوق، 68 پايىزى ىستىق سۋعا قوسىلماعان.

Abai.kz