تۇرمىسى ناشارعا ءتيىمدى باعا...

قالا باسشىسى سەرىك تاۋكەباەۆ پەن «قاراجىرا لتد» جشس ديرەكتورى مارعۇلان ماكىشەۆ وبلىس ورتالىعىنداعى الەۋمەتتىك از قامتىلعان وتباسىلار ءۇشىن كومىردى الەۋمەتتىك باعامەن جەتكىزۋ تۋرالى مەموراندۋمعا قول قويدى.

تۇرمىسى ناشارعا ءتيىمدى باعا...

قالا باسشىسى سەرىك تاۋكەباەۆ پەن «قاراجىرا لتد» جشس ديرەكتورى مارعۇلان ماكىشەۆ وبلىس ورتالىعىنداعى الەۋمەتتىك از قامتىلعان وتباسىلار ءۇشىن كومىردى الەۋمەتتىك باعامەن جەتكىزۋ تۋرالى مەموراندۋمعا قول قويدى.

ەستەرىڭىزگە سالا كەتەيىك، وسكەمەن قالاسى اكىمدىگى مەن «قاراجىرا لتد» جشس اراسىنداعى مۇنداي كەلىسىم-قۇجات 2009 جىلدان بەرى جۇمىس ىستەپ كەلەدى. ياعني، قالاداعى تۇرمىسى تومەن وتباسىلار ءۇشىن كومىردى جەڭىلدەتىلگەن باعامەن جەتكىزۋ جاعى دا وسى ۋاقىتتان بەرى قولعا الىنعان.  وسى ۋاقىت ارالىعىندا قالاداعى ۇلى وتان سوعىسى ارداگەرلەرى، مۇگەدەكتەر، كوپبالالى انالار مەن از قامتىلعان وتباسىلار ءۇشىن 106 مىڭ تونناعا جۋىق قاتتى وتىن جەتكىزىلدى. اينالدىرعان ءۇش جىل ىشىندە 17603 ادام نارىقتاعى باعادان 500 تەڭگەگە ارزان كومىرمەن قامتاماسىز ەتىلىپ كەلدى. 
مەموراندۋمنىڭ ىسكە اسۋ ۋاقىتى اياقتالعانىمەن دە، وسكەمەندىكتەر ءۇشىن بۇرىن-عىداي الەۋمەتتىك باعاداعى قارا وتىنعا قول جەتكىزۋ مۇمكىندىگى شەكتەلمەگەندىگى قۋانتادى. جاڭا كەلىسىمگە قول قويىلعاننان كەيىن، بۇل تۋرالى قالا اكىمى سەرىك تاۋكەباەۆ ءوز پىكىرىن ءبىلدىردى.
- بۇگىندە «قاراجىرا» جشس ەلباسى نۇرسۇلتان نازارباەۆتىڭ بيزنەستىڭ الەۋمەتتىك جاۋاپكەرشىلىگى جونىندەگى تاپسىرماسىن قاعاز جۇزىندە ەمەس، ناقتى  ىسپەن دالەلدەپ وتىر. جۇزدەگەن وسكەمەندىكتەر بۇگىندە قارا وتىندى الەۋمەتتىك باعامەن الۋعا قول جەتكىزدى. الداعى ۋاقىتتا ءبىز، كومىردى جەتكىزۋمەن اينالىساتىن اۆتوكولىك قىزمەتىنىڭ باعاسىن تومەندەتۋ جونىندە جۇمىستى قولعا الماقپىز. بۇل تاپسىرما «وسكەمەندەگى ينتەرناتسيوناليست-جاۋىنگەرلەر وداعى» قوعامدىق بىرلەستىگىنە بەرىلىپ وتىر. سەبەبى، ولار تىكەلەي كومىردى ۇلەستىرۋ ماسەلەسىندە قاتاڭ باقىلاۋ جاسايدى. ايتا كەتۋ قاجەت، ولار ءوز ىستەرىنە مىعىم، جەرگىلىكتى تۇرعىندار تاراپىنان ەشقانداي شاعىم تۇسكەن ەمەس، - دەدى سەرىك تاۋكەباەۆ.
2012 جىلى  تۇرمىسى ناشار ازاماتتارعا جەڭىلدىك-پەن 40 مىڭ توننا كومىر جەتكىزۋ كوزدەلىپ وتىر. ال، بۇل تۇتاستاي العاندا 8 مىڭعا جۋىق وتباسىن قۇرايدى.
كۇنى كەشە عانا، وسكەمەن اكىمدىگىمەن بىرلەسىپ  وسى ماڭىزدى جۇمىستى تىڭعىلىقتى اتقاراتىن قۇرىلتايشى كومپانيا وكىلدەرى-مەن كەزدەسۋ ءوتتى. ولار بۇل ناۋقانعا ساقاداي-ساي دايىن ەكەندىكتەرىن ايتتى، - دەپ اتاپ ءوتتى،- «قاراجىرا لتد» ديرەكتورى  مارعۇلان ماكىشەۆ.

"اباي-اقپارات"