شىعىس قازاقستان وبلىسىنىڭ اكىمدىگى ءوڭىر باسشىسى دانيال احمەتوۆتىڭ التايعا تىكۇشاقپەن ۇشۋىنا 1 ميلليون 167 مىڭ تەڭگە جۇمساعان. بۇل تۋرالى PROTENGE تەلەگرام كانالى مالىمدەدى. 

تەلەگرام اقپاراتىنشا، احمەتوۆتىڭ جانىندا تاعى ءۇش ادام بولعان.

«التايعا اۆتوكولىكپەن جەتۋ ونشا كوپ ۋاقىتتى المايتىنىنا قاراماستان ء(تورت ساعات) دانيال احمەتوۆتىڭ التايعا تىكۇشاقپەن ۇشۋىنا شقو اكىمدىگى 1 ميلليون 167 مىڭ تەڭگە جۇمسادى. اياقتالعان جۇمىس اكتىسىنە قاراعاندا، ونىمەن تاعى ءۇش ادام بولعان. ولار: يۆانوۆ، لي جانە ياكۋنينا»،- دەلىنگەن اقپاراتتا.

بۇل احمەتوۆ مىرزانىڭ بيىلدىقتاعى جالعىزىلىك ساپارى ەمەس. ماسەلەن، 2021 جىلدىڭ باسىنان بەرى شقو اكىمدىگى احمەتوۆتىڭ 19 رەيسىنە 54,5 ملن تەڭگە شىعىنداپتى.

ال، بۇعان دەيىن شقو اكىمدىگى ۇلىبريتانياداعى Made in KZ قازاقستاندىق توبىنىڭ ونەر كورسەتۋى ءۇشىن 19,7 ميلليون تەڭگە جۇمساعانى ايتىلعان. اتالعان توپ 27 قىركۇيەكتە كەمبريدج مۇراجايىندا «ۇلى دالا التىنى» كورمەسىنىڭ اشىلۋىندا ونەر كورسەتتى.

مۋزىكالىق جابدىقتار، كوستيۋمدەر مەن كولىكتەن بولەك، ارتىستەرگە ارنالعان ۆيزا ءۇشىن عانا شىعىس قازاقستان وبلىسىنىڭ اكىمدىگى 2,4 ملن تەڭگە تولەگەن. ال، توپتىڭ ۇلىبريتانياعا ۇشۋى ءۇشىن 1,8 ملن تەڭگە جۇمسالسا، ارتىستەردىڭ سەگىز كۇن بويى قوناق ۇيدە تۇرۋىنا 2,6 ميلليون تەڭگە كەتكەن. سونداي-اق، ولارعا 1 ميلليون تەڭگە كولەمىندە سىياقى تاعايىندالىپتى.

ايتپاقشى، ۇلىبريتانيادا وتكەن «ۇلى دالا التىنى» كورمەسىنە دانيال احمەتوۆ تە بارعان. بىراق، بۇل ايتىلعان 19,7 ميلليون تەڭگەگە اكىم دانيال احمەتوۆتىڭ بيلەت قۇنى كىرمەپتى.

Abai.kz