شەكارا ارالىق دوستىقتى جانە شەكارالاس جاتقان وبلىستاردىڭ ءداستۇرلى قارىم-قاتىناسىن نىعايتۋ ماقساتىندا اعىمداعى جىلدىڭ باسىندا وبلىس اكىمى   بەردىبەك ساپارباەۆتىڭ اتىنان رەسەي فەدەراتسياسىنىڭ التاي ايماعىنا، قىتاي حالىق رەسپۋبليكاسىنىڭ شۇار جانە موڭعول حالىق رەسپۋبليكاسىنىڭ بايان-ولگي ايماقتارىنا 2012 جىلى «تۋعان ەل - التىن بەسىگىم» اكتسياسى اياسىندا شىعىس قازاقستاندا مادەنيەت كۇندەرىن وتكىزۋ تۋرالى شاقىرۋ حاتتارى جولدانعان بولاتىن.

شەكارا ارالىق دوستىقتى جانە شەكارالاس جاتقان وبلىستاردىڭ ءداستۇرلى قارىم-قاتىناسىن نىعايتۋ ماقساتىندا اعىمداعى جىلدىڭ باسىندا وبلىس اكىمى   بەردىبەك ساپارباەۆتىڭ اتىنان رەسەي فەدەراتسياسىنىڭ التاي ايماعىنا، قىتاي حالىق رەسپۋبليكاسىنىڭ شۇار جانە موڭعول حالىق رەسپۋبليكاسىنىڭ بايان-ولگي ايماقتارىنا 2012 جىلى «تۋعان ەل - التىن بەسىگىم» اكتسياسى اياسىندا شىعىس قازاقستاندا مادەنيەت كۇندەرىن وتكىزۋ تۋرالى شاقىرۋ حاتتارى جولدانعان بولاتىن.

30 ادامنان قۇرالعان قحر شۇار دەلەگاتسياسى شىعىس قازاقستانعا اعىمداعى جىلدىڭ 19 ماۋسىمىندا كەلدى. دەلەگاتسيا قۇرامىن - جەرگىلىكتى بيلىك وكىلدەرى جانە شىعىس قازاقستان حالقىنا ارنالعان ارنايى كونتسەرتتىك باعدارلاما دايىنداعان شىعارماشىلىق ۇجىمدار قۇرايدى. قحر دەلەگاتسياسىنىڭ شىعىس قازاقستان وبلىسىنا كەلۋ باعدارلاماسى اياسىندا قىتايلىق دەلەگاتسيا مۇشەلەرى ەڭ الدىمەن ۇلى ابايدىڭ ەسكەرتكىشىنە گۇل شوعىن قويىپ، حاكىم ابايدىڭ رۋحىنا تاعزىم ەتتى. سودان سوڭ شەتەلدىك قوناقتار بىلتىر عانا بوي تۇزەگەن وسكەمەننىڭ ىرگەسىندەگى ورالماندار تۇراقتاعان، ياعني، قونىس تەپكەن «شىعىس»  اۋلىنا بارىپ ونداعى جەرلەستەرىمىزبەن كەزدەسىپ، ءوزارا اڭگىمە قۇرىپ، پىكىر الىستى. قىتايدىڭ شىعارماشىلىق ۇجىمى وسكەمەندىكتەرگە ارناپ وزدەرىنىڭ كونتسەرتتىك باعدارلاماسىن ۇسىندى. سودان سوڭ ولار سەمەي جانە زايسان قالالارىنا بارىپ وندا دا قالىڭ جۇرتشىلىقپەن كەزدەسىپ، وزدەرەنىڭ كونتسەرتىك باعدارلامالارىن جەرگىلىكتى تۇرعىندارعا تارتۋ ەتپەك. جالپى ايماق باسشىسى بەردىبەك ماشبەكۇلى ساپارباەۆتىڭ وسىدان ءۇش جىل بۇرىن وبلىستا باستاۋ العان «تۋعان ەل - التىن بەسىگىم» اكتسياسىنىڭ مازمۇنى تەرەڭدەپ قاناتى كەڭەيىپ وبلىس، رەسپۋبليكا شەڭبەرىندە ەمەس حالىقارالىق دەڭگەيگە دەيىن كوتەرىلۋدە. وتكەن جىلى «تۋعان جەرگە تاعزىم» اكتسياسى اياسىندا ايماققا 20 ملرد.تەڭگەگە جۋىق قاراجات كەندى التاي مەن سەمەي وڭىرىنەن شىققان بەلگىلى مەتسەناتتاردىڭ كومەگىمەن كەلىپ تۇسكەندى. سونىڭ ارقاسىندا وڭىردە جاڭا سپورت كەشەندەرى، مادەنيەت، دەنساۋلىق عيماراتتارى، مەشىت ۇيلەرى بوي كوتەرىلىپ، حالىق يگىلىگىنە بەرىلگەندى. سول ءۇردىس بيىلدا وبلىستا قايتالانۋدا.

شقو مادەنيەت باسقارماسىنىڭ

ءباسپاسوز-قىزمەتى