دۇيسەنبى, 29 قاراشا 2021
بيلىك 905 1 پىكىر 22 قىركۇيەك, 2021 ساعات 15:51

«رۋحاني جاڭعىرۋ»: بارلىق تۋىندىلار ەركىن تارالۋى ءتيىس

«رۋحاني جاڭعىرۋ» اياسىندا شىققان بارلىق تۋىندىلار قازاقستاننىڭ ىشىندە دە، سىرتىندا دا ەركىن تارالۋى ءتيىس. بۇل تۋرالى قر پرەزيدەنتى جانىنداعى قوعامدىق سانانى جاڭعىرتۋ باعدارلاماسىن ىسكە اسىرۋ جونىندەگى ۇلتتىق كوميسسيانىڭ كەڭەيتىلگەن ماجىلىسىندە قرو مەملەكەتتىك حاتشىسى قىرىمبەك كوشەرباەۆ ايتتى.

مەملەكەتتىك حاتشىنىڭ اتاپ وتۋىنشە، «100 جاڭا وقۋلىق» جوباسى اياياسىنداعى اۋدارما باسىلىمدار، «رۋحاني جاڭعىرۋ» باعدارلاماسىنىڭ اياسىندا مەملەكەتتىك قولداۋمەن شىققان بارلىق تۋىندىلار قازاقستاننىڭ ىشىندە دە، سىرتىندا دا ەركىن تارالۋى ءتيىس. مەملەكەتتىك ورگاندار اۆتورلىقتى مەنشىكتەپ، ونىڭ تارالۋىنا تىيىم سالماۋى قاجەتتىگىن باسا ايتتى.

«اۋدارماشى دايىنداۋ، ونى كاسىبي ءوسىرۋ وڭاي ەمەس. ىسكەرلىك، ساياسي اۋدارما قيىن. عىلىمي اۋدارما ودان دا قيىن. ال كوركەم اۋدارما اۋدارما ونەرىنىڭ شىڭى. ءبىز رۋحاني جاڭعىرۋ باعدارلاماسى اياسىنداعى اۋدارما جوبالاردىڭ ارقاسىندا قازاق اۋدارما مەكتەبىن، اۋدارماشىلاردىڭ ورتاسىتسن كۇشەيتتىك دەپ ايتا الامىز. ەستەرىڭىزدە بولسا، اباي دانىشپاندىعىنىڭ ءبىر قىرى اۋدارماشىلىق. 20 عاسىردىڭ باسىندا الاش قايراتكەرلەرى دە اۋدارماعا دەن قويدى. كەڭەستىك زاماندا دا اۋدارما ارقىلى قازاق مادەنيەتىنە كوپ جاڭالىق كەلدى. ال 21 عاسىرداعى جاھاندانۋ، اىدەبيەتتەر اراسىنداعى الىس-بەرىستىڭ قازىرگىدەي قىزعان كەزىندە اۋدارمانىڭ ءمانى مەن ماڭىزى ارتا ءتۇستى»، - دەدى قىرىمبەك كوشەرباەۆ.

ول بۇل جۇمىستاردى جالعاسۋى كەرەكتىگىن، وقۋلىقتار جانە كوركەم ادەبيەتپەن عانا شەكتەلۋگە بولمايتىنىن باسا ايتتى.

«تاۋەلسىزدىگىن نىعايتىپ، ىلگەرى دامىعىسى كەلەتىن، كەلەشەكتەن ءۇمىتى زور ءبىز سەكىلدى ەلگە اۋدارمانىڭ بەرەرى مول. كوزى اشىق، كوكىرەگى وياۋ، ۇلتتىن سۇيەتىن، الەمدىك وركەنيەتتەن دە حابارى مول، زامانعا ساي جاڭا قازاقستان ازاماتىن تاربيلەۋ ءۇشىن بىزگە جاڭا دەڭگەيدەگى ساپالى اعارتۋشىلىققا دەن قويۋ كەرەك»، - دەدى ول.

Abai.kz

1 پىكىر