دۇيسەنبى, 25 قازان 2021
1108 4 پىكىر 20 قىركۇيەك, 2021 ساعات 09:29

ارمەنيا ازەربايجاندى حالىقارالىق سوتقا بەرمەك

ارمەنيا ءازەربايجان ءۇستىنەن بۇۇ-داعى حالىقارالىق سوتقا شاعىم تءۇءسىردى. ەرەۆان باكۋدى جىلدار بويى ارمەنيا ازاماتتارى مەن ەتنيكالىق ارميانداردىڭ قۇقىعىن ءورەسكەل بۇزدى دەپ ايىپتادى.

حالىقارالىق سوتتىڭ مالىمەتىنە قاراعاندا، شاعىم يەسى ارمەنياعا "قاستىق ساياساتىن جۇرگىزگەن" ازەربايجان "ارميانداردى ناسىلدىك تۇرعىدا الالادى" دەپ تۇجىرىمداعان. ەرەۆاننىڭ پىكىرىنشە، سونىڭ سالدارىنان "ارمياندار جۇيەلى تۇردە ديسكريميناتسياعا ۇشىراعان، جاپپاي ازاپتالىپ ولتىرىلگەن، وزگە دە كەمسىتۋشىلىكتەرگە ۇشىراعان".

ارمەنيانىڭ پىكىرىنشە، "ارميان ۇلتى مەن تەگىنە" قارسى باعىتتالعان باكۋدىڭ ارەكەتى 2020 جىلى قىركۇيەكتە تاۋلى قاراباقتا جاعداي ۋشىققان كەزدە قايتا جاندانعان.

ارمەنيا شاعىمدا "قارۋلى قاقتىعىس كەزىندە ازەربايجان ناسىلدىك الالاۋدىڭ بارلىق تۇرىمەن كۇرەس تۋرالى حالىقارالىق كونۆەنتسيا شارتتارىن ورەسكەل بۇزدى" دەپ ايىپتاعان.

رەسمي ەرەۆان ء"تىپتى سوعىس اياقتالعاننان كەيىن" ياعني، 2020 جىلى 10 قاراشادا اتىستى توقتاتۋ تۋرالى كەلىسىم كۇشىنە ەنگەننەن كەيىن دە ازەربايجان "ارميان تۇتقىندارى مەن ۇستالعانداردى ءولتىرىپ، ازاپتۋدى، قورلاۋدى" جالعاستىرعان.

ازەربايجان سىرتقى ىستەر مينيسترلىگى وكىلى باكۋ "بارىنشا قورعانىپ", ارمەنيانى ءدال سولاي ايىپتاپ، قارسى شاعىم تۇسىرەتىنىن ايتتى.

تاۋلى قاراباقتاعى سوعىستان كەيىن ازەربايجان مەن ارمەنيا اراسىنداعى جاعداي ءالى ۋشىعىپ تۇر. بىلتىر التى اپتاعا سوزىلعان سوعىس كەمىندە 6900 ادامنىڭ ءومىرىن قيدى. 2020 جىلى قاراشا ايىندا تاراپتار ماسكەۋدىڭ ارااعايىندىق ەتۋىمەن اتىستى توقتاتۋ تۋرالى كەلىسىمگە قول قويدى. كەلىسىمگە سايكەس، ارمەنيا تاۋلى قاراباقتاعى بىرنەشە اۋداندى ازەربايجانعا قايتارعان.

ەكى ەل اراسىنداعى اتىستى توقتاتۋ تۋرالى كەلىسىم جانە ارمەنيانىڭ ءىس جۇزىندە سوعىستا جەڭىلۋى ەلدە ساياسي داعدارىسقا الىپ كەلگەن.

Abai.kz

4 پىكىر