دۇيسەنبى, 25 قازان 2021
جاڭالىقتار 1127 2 پىكىر 15 قىركۇيەك, 2021 ساعات 16:24

الماتى وبلىسىنىڭ كاسىپكەرى جاعدايى تومەن وتباسىلارعا 10 ءۇي سالىپ بەردى

جامبىل اۋدانىنىڭ اقتەرەك اۋىلىندا بۇگىنگە دەيىن باسپاناعا مۇقتاج 130 وتباسىعا ءۇي سالىپ بەرگەن كاسىپكەر تاعى دا 10 جانۇيانى باسپانالى ەتتى.

«اقتەرەك» شارۋا قوجالىعىنىڭ ديرەكتورى تەمىرلان ءشاينۇسىپوۆ قۇرىلىسى اياقتالىپ قالعان ۇيلەردىڭ ۇشەۋىنىڭ كىلتىن تاۋەلسىزدىكتىڭ 30 جىلدىعىنا وراي، ارنايى تابىس ەتتى.

جاڭا ءۇيدى كاسىپكەر جاعدايى تومەن جانە كوپ بالالى وتباسىلارعا ارناپ سالعان. قونىس تويىن تويلاپ وتىرعان مولداشەۆتار وتباسىنىڭ ايتۋىنشا، ءۇي زامان تالابىنا ساي سالىنعان.

«5 بولمەلى ءۇي زامان تالابىنا ساي، ىستىق سۋ، سۋىق سۋ كىرگىزىلگەن. اجەتحاناسى دا ءۇيدىڭ ىشىندە. ەكى بالاممەن تار ۇيىندە اكە-شەشەمەن تۇرىپ ءجۇر ەدىك. جاس وتباسى دەپ جاڭا باسپانا سىيلاپ وتىرعان قايىرىمدى جانعا العىسىمىز شەكسىز» ، - دەيدى اسحات مولداشەۆ.

12 جىلدان بەرى ءوز اۋىلداستارىنا ءۇي سالىپ، تۋعان جەرىنىڭ كوركەيۋىنە ۇلەسىن قوسىپ جىرگەن ول وسى جىلىدا 50 ورىندىق «داريا» بالاباقشاسىن سالىپ، 15 ادامدى تۇراقتى جۇمىسپەن قامتىعان.

Abai.kz

2 پىكىر